Home Policial Task Force nobo lanta pa controla caya y aglomeracion di hende durante...

Task Force nobo lanta pa controla caya y aglomeracion di hende durante Shelter-in-Place

1281
0
SHARE
- Advertisement -

ORANJESTAD (AAN): Diaranson anochi, Hefe Interino di Polis, Vanessa Kock a mustra cu ta remarcable cu e cantidad di detencion di Diamars anochi pa cu e Toque de Queda, e ta hopi menos compara cu e prome dianan di esaki.

E ta algo di aplaudi, y Kock ta spera cu e mensahe a yega cerca autoridad.

Diamars anochi tabatin solamente 8 hende cu a keda deteni.  Diaranson anochi el a baha aun mas pa 6 persona so.

Segun Hefe Interino di Polis, e reduccion aki ta mustra e importancia di e Toque de Queda, y tambe e motibo principal tras di su introduccion.  Pero e ta pensa tambe cu loke por a pone hendenan pensa dos biaha prome cu subi caya, ta e cambio di maneho cu a bin cune.  Esey ta e maneho nobo cu ora bo wordo deteni, bo no ta djis haya un boet pero bo ta keda encarcela te e siguiente mainta.

Tambe Kock a papia di e proceso di Shelter-in-Place cu ta valido e dianan aki.  Contrario na Toque de Queda, Cuerpo Policial ta hayando pregunta tur dia encuanto e Shelter-in-Place y e control di Polis.  

TASK FORCE NOBO:

Shelter-in-Place ta un medida full diferente cu esun di Toque de Queda, cual ta mas severo.  Shelter-in-Place ta algo pa concientiza cada hende riba e importancia di keda cas y no subi caya innecesariamente. Pero toch tin Polis envolvi den dje.

Awor a tuma decision cu ta lanta un Task Force nobo mas pa mira principalmente kico ta e parti esencial y no-esencial como maneho, y tambe con ta bay controla esaki.  E lo ta un colaboracion entre Cuerpo Policial y Ministerio Publico.  Asina ta delinea con ta bay controla durante Shelter-in-Place.

Aki ta importante pa Mando Policial informa e Agentenan Policial pa nan sa kico ta e limitenan den e control, bao di ley, y tambe e forma cu e tin di ehecuta esey, y pa comunidad sa kico ta e reglanan stipula durante un Shelter-in-Place.

Pasobra ta mira cu den dia durante Shelter-in-Place, ta tur hende tin algo pa haci riba caya.  Aki ta mas dificil pa Polis controla esey.

Pa tal motibo awor Polisnan hunto cu Ministerio Publico ta bay mira den ki forma por atende e aglomeracion dilanti lugarnan, y kico e responsabilidad di e comerciante ta cu tin e.o. un Supermarket habri, pa sa kico ta su responsabilidad pa cu e aglomeracion di clientenan pafo.

Eynan e ora Cuerpo Policial e momento ey ta check kico por haci pa cu e responsabilidad di e comerciante relaciona cu e aglomeracion di hende pafo.

- Advertisement -

DUNA COMENTARIO

Please enter your comment!
Please enter your name here