Home Policial Task Force di Polis no tey pa lanta contra pueblo pero pa...

Task Force di Polis no tey pa lanta contra pueblo pero pa concientiza

201
0
SHARE
- Advertisement -

ORANJESTAD (AAN): Diasabra anochi durante conferencia di prensa di Gobierno, Halto Comisario interino Vanessa Kock a divulga cu riba e prome dia cu e Decreto Ministerial a cambia pa cu control riba rijnan largo di hende pafo di instancia y negoshi, ya caba medida a ser tuma.

Pa hopi dia caba, autoridad na Aruba a papia, autoridad a splica, y autoridad a adverti.  Cosnan tabata bayendo un tiki den direccion indesea, y desde Diasabra nan por hasta actua pa cera lugarnan.

E accionnan aki no ta wordo haci pa Polis lanta contra pueblo, pero mas bien tin di concientiza pueblo di Aruba na otro forma.

Ora cu Diasabra e Decreto Ministerial nobo a drenta na vigor, ta bin cu reglamentonan nobo debi cu e isla aki ta den crisis.  Pa algun dia caba desde cu a bin cu e Shelter-in-Place, tanto Gobierno y autoridad a trata na tolera y splica comunidad riba e importancia di mantene higiena, distanciamento social, y e prohibicion di aglomera.  Per toch e no a bay manera nan a spera.

Pesey mes riba Diasabra, un Task Force a bolbe subi caya y e biaha aki cu e respaldo di e Decreto Ministerial nobo aki, nan a bay haci 38 inspeccion na instancia- y negoshinan cu ta esencial.

Resultado di esey ta cu na final, 17 lugar a worde cera.  Halto Comisario interino Vanessa Kock, a insisti cu Task Force lo sigui haci nan control y duna boet e dianan venidero.  Polis sa cu esnan cu ta lugar esencial, pueblo mester di dje.  Pero esnan cu ta maneha e lugarnan aki, tin di ta conciente y regla esaki na un bon manera sino bo ta wordo cera.  No ta intencion di Polisnan pa hacie pa malo, pero sigur tin di educa comunidad na otro forma.

 

- Advertisement -

DUNA COMENTARIO

Please enter your comment!
Please enter your name here