Home Gobierno Tanto Diabierna y Diadomingo awor tin Shelter-in-Place extra severo na vigor

Tanto Diabierna y Diadomingo awor tin Shelter-in-Place extra severo na vigor

764
0
SHARE
- Advertisement -

ORANJESTAD (AAN): E weekend largo di Bierna Santo, Gobierno a probecha di e ocasion pa asina implementa algun medida nobo, y esakinan ta hopi extremo riba Diabierna 10 di April como tambe Diabierna 12 di April.

Esey ta loke Prome Ministro Evelyn Wever-Croes a revela e siman aki.  El a splica cu Crisis Team di Gobierno a tuma siguiente decision pa medidanan nobo.

Awe Diahuebs lo sigui cu e medida di Shelter-in-Place, pues tur hende keda cas.  Excepcion ta si bo ta bay cumpra algo na e supermarket den bo bario, bay cumpra gasolin, bayendo Botica, of cualkier lugar cu ta esencial.  Bo por bay haci ehercicio na linear park, na veld den bo bario, of na beach.  No mag di bay picnic na beach ni lama.  Pa 9:00 pm lo start un Toque de Queda.

Diabierna, lo ta un dia unda tur cos lo ta cera na Aruba.  Aki Shelter-in-Place a bira mas severo, pasobra unico excepcion ta Oficina di Docter, Botica, Gasoline Station (7 am te 7 pm), y lugar di busca of entrega cuminda (11 am te 7 pm).  Nada mas.  Tampoco no mag di bay lama.  Riba e dia aki tambe, Gobierno a haci e medida di Samenscholingverbod mas severo, esta cu e no ta conta ni ta adaptable mas pa famia (‘gezin’).  Toque de Queda lo start 9:00 pm.

Diasabra mainta e Toque de Queda lo caba 6:00 am.  Atrobe Shelter-in-Place, pues tur hende keda cas.  Excepcion ta si bo ta bay cumpra algo na e supermarket den bo bario, bay cumpra gasolin, bayendo Botica, of cualkier lugar cu ta esencial.  Bo por bay haci ehercicio na linear park, na veld den bo bario, of na beach.  No mag di bay picnic na beach ni lama.  Pa 9:00 pm lo start un Toque de Queda.

Diadomingo, atrobe lo ta un dia unda tur cos lo ta cera na Aruba.  Aki Shelter-in-Place a bira mas severo, pasobra unico excepcion ta Oficina di Docter, Botica, Gasoline Station (7 am te 7 pm), y lugar di busca of entrega cuminda (11 am te 7 pm).  Nada mas.  Tampoco no mag di bay lama.  Riba e dia aki tambe, Gobierno a haci e medida di Samenscholingverbod mas severo, esta cu e no ta conta ni ta adaptable mas pa famia (‘gezin’).  Toque de Queda lo start 9:00 pm.

Dialuna mainta e Toque de Queda lo caba 6:00 am.  Atrobe Shelter-in-Place, pues tur hende keda cas.  Excepcion ta si bo ta bay cumpra algo na e supermarket den bo bario, bay cumpra gasolin, bayendo Botica, of cualkier lugar cu ta esencial.  Bo por bay haci ehercicio na linear park, na veld den bo bario, of na beach.  No mag di bay picnic na beach ni lama.  Pa 9:00 pm lo start un Toque de Queda.

Esey nifica ora cu Diahuebs anochi ora cu e Toque de Queda cuminza 9:00 pm, e gran mayoria di cosnan ta keda cera te cu Diasabra mainta 6:00 am.

Prome Ministro ta pidi pueblo pa no bay ‘abusa’ y aglomera atrobe Diasabra den dia riba caya.

Corda cu Diasabra anochi 9:00 pm ora cu e Toque de Queda start, gran mayoria di negoshi lo keda cera un biaha mas te cu Dialuna mainta 6:00 am.

 

- Advertisement -

DUNA COMENTARIO

Please enter your comment!
Please enter your name here