Home Salud St. Maarten a conoce 2 morto mas di Coronavirus y awor kier...

St. Maarten a conoce 2 morto mas di Coronavirus y awor kier shutdown e isla

2596
0
SHARE
— Prome Ministro Silveria Jacobs kier bin cu Shutdown total.
- Advertisement -

ORANJESTAD (AAN): E casonan di morto di Coronavirus Covid-19 na e parti Hulandes di isla di St. Maarten, a conoce 2 mas.  Esey a pone cu e total di morto te cu awor registra eynan a yega 4 persona.

Den cuatro dia di tempo, en total 4 pashent a sucumbi pa e malesa riba e isla.

E prome persona cu a muri, tabata un homber den isolacion na cas.  El a fayece Diamars 31 di Maart.  E di dos persona cu ta un homber tambe, a fayece na St. Maarten Medican Center (SMMC) riba Diahuebs 2 di April.

Te ainda e sexo di e dos morto nobo registra riba Diabierna no a wordo suministra door di autoridad.  Tampoco no a duna informacion di e edad di esnan cu a fayece, y tampoco a splica si acaso e hendenan aki tabatin otro malesa existente, ni si acaso nan a viaha ultimo  temponan, of si acaso nan tabatin contacto cu hendenan cu recientemente a viaha of si tabatin contacto local.

Te ainda e cantidad di caso na St. Maarten ta na 23 persona, di cual mayoria ta homber.

Gobierno di St. Maarten ta pensando seriamente pa algun dia caba pa bin cu un shutdown total di e isla.  Prome Ministro Silveria Jacobs a mustra cu nan kier bin cu e shutdown total, debi na e trend di ultimo dianan di e aumento di morto pa Covid-19.

Gobierno a informa famianan di esnan cu a muri, ta cu standardnan internacional pa entiero di hendenan cu tabatin Covid-19, ta cu nan mester wordo dera of crema.  Pa colmo aworaki St. Maarten tin un scarcedad di lugar pa dera hende na Cul de Sac cemetery.

- Advertisement -

DUNA COMENTARIO

Please enter your comment!
Please enter your name here