Home Hudicial Solamente cinco hende deteni Diahuebs anochi pa Toque de Queda

Solamente cinco hende deteni Diahuebs anochi pa Toque de Queda

259
0
SHARE
- Advertisement -

ORANJESTAD (AAN): Diaranson anochi cu tabata e anochi di Toque de Queda #12, autoridad local a detene 6 persona cu a ser haya riba caya y no tabatin ningun motibo valido pa nan ta pafo di nan cas.  Cada uno a ser deteni y transporta pa Warda di Polis unda a haya un boet.

Diahuebs anochi, cu tabata Toque de Queda #13, e biaha aki e cantidad di hende riba caya a baha.  Ta solamente 5 persona a wordo haya riba caya y a keda deteni.  E trend ta bayendo bon, y ta indicativo cu porfin hende a cuminza compronde e mensahe.

Esey ta loke Fiscal mr. Pronk a declara e siman aki tambe.

Fuera di esey, Fiscal a papia riba e regla di Shelter-in-Place cu ta cu nan ta constata cu ultimo dianan na diferente Departamento y instancia, y compania tabatin rij largo di hende para pafo cu no tabata tene nan mes na e Social Distancing.

Articulo 2 di e Decreto Ministerial ta bisa cu companianan esencial tin di tuma e reglamentonan pa distanciamento social y higiena.  Pero e regla ta conta solamente pa rij di hende para PADEN di e instancia of departamento of negoshi.  Ainda e regla di e Decreto no ta conta pa hendenan para pafo di compania- of instancianan.

Segun Fiscal mr. Pronk, profesionalnan riba tereno di legislacion ta ocupa e momento aki pa mira con por cambia esaki.  Pa awor ta haci suplica na tur hende para den rij largo, e.o. dilanti supermarket of MFA, pa cumpli cu e Social Distancing.  Tuma distancia minimo 1,5 meter di cada persona.  Corda cu abo y ami tin responsabilidad pa mantene distancia social.

Fiscal mr. Pronk a indica cu te cu Diahuebs anochi, ningun hende a wordo deteni, ni a haya boet na Aruba debi cu a viola Shelter-in-Place.

- Advertisement -

DUNA COMENTARIO

Please enter your comment!
Please enter your name here