Home General Sistema RADEX no ta procesando viaheronan actualmente door di e lockdown

Sistema RADEX no ta procesando viaheronan actualmente door di e lockdown

26
0
SHARE
- Advertisement -

Pero si ta brindando informacion util na diferente instancia

ORANJESTAD (AAN):  E crisis actual cu Aruba ta bibando door di COVID-19 ta hopi duro pa varios industria y sectornan. Algun di e industrianan mas afecta durante e crisis aki ta turismo y aviacion.

Cu e lockdown implementa door varios pais pa controla e virus, turismo y viahenan a stop.

Na Aruba, e departamento di imigracion ta uza RADEX BCMS, e sistema di control di frontera, pa procesa informacion tocante viaheronan cu ta drenta y sali for di Aruba.

Aruba ta actualmente den un lockdown, loke ta trece cune cu RADEX BCMS no ta procesando viaheronan actualmente.  Sinembargo, RADEX BCMS ta sumamente util pa por duna informacion vital manera e cantidad di turista riba nos isla, nan nacionalidad, unda nan a hospeda y e cantidad di residentenan di Aruba den exterior y mucho mas informacion.

RADEX BCMS ta yuda di e manera aki pa por provee informacion na e diferente instancianan di gobierno na Aruba durante e periodo dificil aki.

Di parti di e team di RADEX BCMS ta pidi tur hende pa ta safe y mantene bo mes na e reglanan y avisonan duna door di tur instancia di gobierno.

 

- Advertisement -

DUNA COMENTARIO

Please enter your comment!
Please enter your name here