Home Parlamento “Si bo no ta contribui stop di manipula y dividi pueblo riba...

“Si bo no ta contribui stop di manipula y dividi pueblo riba CITGO!”

317
0
SHARE
- Advertisement -

Edgard Vrolijk na AVP:

ORANJESTAD (AAN):   Parlamentario Edgard Vrolijk di Fraccion di AVP a expresa den un comunicado di prensa cu “mi ta lamenta cu den momentonan dificil asina ki mi tin di reacciona riba un partido AVP cu a causa hopi daña y sigur cu a laga e pais aki cu un debe astronomico atras.

Ademas sigur cu e coronavirus aki cu a afecta mundo completo pueblo por sinti e efecto di no tin su finansas na ordo y cu no por tabatin ni un buffer pa por a wanta e sla aki y cu awendia nos Gobierno awe ta coriendo pa busca un prestamo cu por yuda wanta e sla aki. Pero cu consecuencia cu nos por yega 104% na debe y asina mes partido AVP ta busca tur manera pa por bruha pueblo y dividi pueblo den momentonan cu mas nos mester ta uni pa por logra supera e crisis aki.

 

E historia di CITGO

E deal di CITGO a bin na 2016 despues cu di 2009 pa 2016 a gaña pueblo y Hulanda cu lo bin cu pilar nobo cu tabata e pilar Berde cu lo mester a crea 1600 cupo di trabou cu na final di dia ta un grupo previlegia manera parlamentario Richard Arends esaki a haci su bida facil. Y den ansha pa por entrega un presupuesto na 2016 a core sera un deal unda cu parlamento a haya algun ora pa por pasa den e acuerdo di mas di 2000 pagina aki.

Un deal cu a ser sera na Texas den limosin unda cu un set di mafioso cu awendia ta sera y otronan ainda fugitivo entrenan Rincon a sera e contactonan y despues sr Mike Eman mes a bay firma esaki hunto cu presidente di Venezuela sr Maduro. Na 2017 ora nos a drenta ya no tabatin movecion riba e tereno di refinaderia pero sigur unda cu ya CITGO no a cumpli cu acuerdonan di paga cu consequencia cu presupuesto di pais Aruba a conoce un deficit mas grandi.

Mas pio cos a bira na 2018 ora Merca a impone sancionan contra Citgo y PDVSA y un gran cantidad mas di creditornan manera Exxon y Conoco Phillips tin embargo y casonan grandi contra e dos companianan y asina tin mas companianan petroleronan grandi cu tin embargo riba Citgo y PdVSA. Esakinan a haci cu CITGO no por a cumpli cu pais Aruba mas y e proyecto cu di 2018 en adelante nos no a tene cuenta mas cu su entradanan.

 

Manipulacion di partido AVP

E partido cu a haci hopi daño na Aruba y ainda no kier realisa un biaha mas ta hunga politica barata cu CITGO. Nos ta contento cu por a yega na un terminacion di e contracto sin cu mester a cana e caminda legal cu e contracto ta prescribi. Si nos bay cana e caminda di e contract malo aki traha door di AVP esaki nifica cu nos lo dura mas cu 5 aña pa por yega na final di esaki y mientrastanto nos terminal y refinaderia y terenonan ta keda den man di CITGO y unda nos lo sinta wak nos terminal keda destrui y tambe e chensnan pa desaroya nos refinaderia of otro proyecto industrial bay perdi.

Ora caba e proceso legal aki manera indica lo dura minimo 5 aña den corte nos lo bay riba e lista di creditornan y nos tur sa cu e chens pa nos haya e 175 miyon dollar aki ta casi imposibel paso ni CITGO ni PDVSA no tin placa. PDV holding cu tambe a para garantia tin assets pero imaginabo cu Conoco Phillips cu tin biyones di claims sin conta Exxon y tur otro den disputa internacional pa desapropia di nan bienes ta para prome pa haya si logra y Aruba na final di dia lo gasta mas hopi placa pa bringa esaki legalmente y cu e chens di keda cu man bashi pero cu mas debe y un refinaderia y un terminal sin oportunidad di explora un oportunidad y alaves sin chens di por desaroyo otro industria riba e tereno aki. Y ta es motibo aki cu ta waive e 175 miyon dollar aki y yega na un acuerdo mutuo di terminacion  di contracto di CITGO.

Increibel cu ainda den e momentonan aki tin partidonan manera AVP cu kier mas malo pa pueblo.

Pa termina mi ta lamenta un biaha mas cu tin partidonan manera AVP cu kier mas malo ainda pa su pueblo. Y mi ta spera cu e otro partidonan y tambe es independiente mester ta concienti cu aki no ta trata di interes personal of di un partido pero aki ta trata di interes di un pueblo cu awo mas cu nunca mester crea oportunidad di trabou, percura pa trece entrada den caha di pueblo y alabes tambe percura pa tin un pilar economico stabil pa e 20 añanan nos dilanti pa nos por suprasa e crisis aki cu alaves ta nifica un crisis financiero mas pio cu nos a haya na 2017 cu AVP a laga esaki na 90 % di nos GDP na debe unda cu nos lo baha nos GDP na 50% na 2039 y caba nos debenan di proyectonan na 2044 y awo cu e crisis aki debi cu Aruba a ser endeuda sin mizericordia y nos GDP lo yega 104% y si nos no crea entrada y desaroya pilarnan economico stabil y alaves restart nos turismo lo spera nos añanan mas dificil ainda nos dilanti. Pesey mi persona ta para tras di e terminacion di e contrato y ban explora e posibilidadnan cu tey eyfo pa brinda alivio na pueblo.

 

- Advertisement -

DUNA COMENTARIO

Please enter your comment!
Please enter your name here