Home Policial “Si bo no kier scucha polis ta bay actua man duro contra...

“Si bo no kier scucha polis ta bay actua man duro contra bo”

441
0
SHARE
- Advertisement -

Alto Comisario Interino:

ORANJESTAD (AAN): Diasabra anochi durante e conferencia di prensa diario di Gobierno, Alto Comisario Interino di Cuerpo Policial Vanessa Tjon Kock a gradici comunidad pa nan reaccion positivo riba medionan social, pa loke ta e accion di polis di Diabierna anochi.

“Mi kier ta corto pero hopi cla”.

“Mi a splica e medida di toque de queda y mi a adverti kico ta e consecuencianan ora cu bo no mantene bo mes na e reglanan di toque de queda”.

“Awor si bo no kier scucha polis ta actua y polis ta bay actua man duro contra bo”.

“No kere cu si bo ta tira piedra, tira klinker of bo ta cende  candela nos no ta yega”.

“Nos ta drenta bo bario y nos ta detene bo”, segun e Alto Comisario.

El a sigui bisa cu toque de queda ta hopi duidelijk y kico ta e intencion su tras.

Segun Tjon Kock, mas e situacion escala, mas recurso KPA ta bay uza.

“Hunto cu Ministerio Publico nos ta autoriza y nos ta hacie”.

“Mi ta haci un yamada na mayornan di e hobennan aki, pa nan tambe tene cuenta cu nan yiunan”.

“Na momento cu e ta cera na warda di polis, e prome persona cu e ta bay puntra pe ta su mayor”, segun Tjon Kock.

El a haci un apelacion tambe na comunidad completo, pasobra e medidanan aki no a bin por nada.

“No kere cu bo ta sigui busca bo limitenan cu polis of bo ta sigui pest polis of otro departamentonan gubernamental manera Brandweer”.

“Pesey tin leynan existente y tin investigacionnan andando riba diferente caso cu nos tin”, segun e Alto Comisario, kende a sigui bisa cu polis lo sigui actua den tur bario.

- Advertisement -

DUNA COMENTARIO

Please enter your comment!
Please enter your name here