Home General “Si a traha dam y wanta e awa, awor nos ta mas...

“Si a traha dam y wanta e awa, awor nos ta mas trankilo, pero awor ta di traha hunto pa sigui padilanti”

385
0
SHARE
- Advertisement -

Gregory Fung di United Farmers Aruba

ORANJESTAD (AAN)-  Agricultura ta importante pa lanta un pais bek economicamente. Y esaki ta loke Gobierno a bisa tambe den un di su conferencianan siman pasa caminda. Segun Sr. Gregory Fung di United Farmers Aruba e efecto di e pandemia aki enberdad ta pone cu tur hende kier cuminza planta. Pero “Si a traha dam y wanta e awa, awor nos ta mas trankilo”.

Sr. Fung a bisa cu United Farmers Aruba a cuminza na 2018 cu 5 punto y tur 5 punto te awe ta andando. Tin combersacionnan pendiente, pero no ta bay manera e speed desea. Pasobra si por ehempel cada biaha meser warda cu tin ROP, ROPV, tin esaki of esaya, esaki ta demotiva e agricultor.  Awor aki tur hende kier cuminza planta, pero si cuminza awe lo dura lunas prome cu mira e fruta.

Y mirando e situacion awor mester tuma e cos aki hopi na serio si kier sigui bay dilanti, pasobra ta wak con turismo a cay y a dal duro. Importacion ta haci cu tur cos ta bira caro. Segun Sr. Fung e ta un situacion grave, pero tin lugar cu siguramente por mehora.

Ta di compronde cu mester structura cosnan, pero tin biaha mester duna prioridad na cierto cosnan, pasobra e hendenan cu ta planta awe ta bisa cu nan a purba 3 pa 4 aña y no a yega na nada concreto y nan ta give up.

E posibel solucion pa e 3 pa 4 lunanan nos dilanti segun Sr. Fung en principio ta e parti tereno, pasobra e parti awa ya tin solucionnan cu ta pensando. A reuni cu WEB hunto cu stakeholdernan caba cu a traha un watermap.

Sr. Fung a bisa cu hopi hende a cuminza planta na cas y esey ta di aplaudi pasobra tur mester duna un man, pero si mester wak con pa sigui stimula e economia. Mester bay duna tereno y e oportunidad pa crece y por hacie.

No ta bay puntra pa placa, pasobra tur hende sa cu no tin, pero otro cosnan cu no ta costa gobierno nada, esey ta loke United Farmers kier y nada por nada pasobra ora tin algo por nada hende por abusa di esey.

Tin mas o menos 9 miembro cu a haci peticion cu nan businessplan cu tur loque ta requeri e momento ey. Pero te ainda eseynan ta wanta pa motibo cu nan ta wordo bisa cu mester structura cosnan.

Ya caba por mira cu e miembronan a cuminza traha hunto tambe y esey ta bon. Tin cierto productonan cu nos tin mas cu suficiente, pero mester bay diversifica y wak kico por ofrece, y hunto sinta delibera con ta bay hacie.

- Advertisement -

DUNA COMENTARIO

Please enter your comment!
Please enter your name here