Home Gobierno SEDECO lo intermedia den cualkier disputa entre doño di cas y huurdo

SEDECO lo intermedia den cualkier disputa entre doño di cas y huurdo

56
0
SHARE
- Advertisement -

Minister Glenbert Croes

ORANJESTAD (AAN): Minister di Asuntonan Social y Labor, Glenbert Croes a indica cu a bin basta bruhamento relaciona cu tema di huur, specialmente entre huurder y verhuurder.

Pa motibo aki a bin cu un departamento SEDECO (Servicio di Defensa di Consumidor, ex DHC) y fundacion C.A.S. a pone di un number disponible pa esnan cu tin duda di paga huur. Por yama pa cualkier pregunta 5829914 of bay riba website www.cas-aruba.org

E mandatario a indica cu e tabatin un combersacion cu nan siman pasa, y nan a sinti e necesidad di tin un instancia cu ta intermedia entre doño di e cas of apartamento y esnan cu ta huur esaki. E punto di salida, segun e Minister, ta cu den e crisis aki, na unda hopi hende a perde nan trabao y nan entrada, nan no ta den posibilidad di paga huur of paga huur completo.

Nan a urgi pa e doño di cas y esun cu ta huur e cas pa yega na un areglo nobo. Tin hende no por paga y tin cu por paga pero no completo. Nan ta pidi pa no saca hende for di cas, pero papia cu otro pa yega na un areglo nobo.

Minister a pidi pa den momentonan di e crisis sin procedencia aki, pa tur hende demostra mas flexibilidad, mas comprension y cooperacion bao di e circumstancianan cu nos ta aden. Hopi hende cu ta huur cas of apartamento a perde nan entrada y sigur hende cu ta verhuur cas of apartamento tambe ta perde entrada pasobra e hendenan den e cas no por paga huur.

Cooperacion cu banconan, e bunita gesto di sector bancario pa duna periodo di gracia di tres luna, ta hopi aprecia pa Gobierno. Den e cadena di cooperacion, nos tur por yega na otro pa sobrevivi, mas cu por bao di e circumstancianan di e consecuencianan di e crisis aki.

Minister Croes ta gradici tur hende pa nan comprension, pasobra loke tur hende ta purbando di haci ta yuda otro y sobrevivi e momentonan di crisis aki, cu speranza cu pronto tur cos lo bolbe bek na normalidad.

E Minister a enfatiza cu por yama SEDECO pa nan intermedia den cualkier problema, pero mester corda tambe cu tin un shelter in place y den toque de queda, pone hende riba caya ta un iresponsabilidad grandi y e ta pidi pa un convivencia humano pa e situacion.

 

- Advertisement -

DUNA COMENTARIO

Please enter your comment!
Please enter your name here