Home General Sector medico mundial den panico di Un Miyon caso!

Sector medico mundial den panico di Un Miyon caso!

934
0
SHARE
- Advertisement -

Dia 2 di April 2020 pa 2.00or di Merdia Covid-19 a skirbi historia 

*Aumento indice mortal ta tranca cuido medico mundial

*Aruba ta drenta fase peligroso y mester aumenta medidanan 

ORANJESTAD (AAN) — Manera DIARIO a pronostica na inicio di e siman aki a base di analisis di cifranan y e forma cu Covid-19 tabata desaroya su mes, mundo ta registra e punto di culminacion di e virus cu ta bira mas cu un menasa.

Ayera mundo henter tabata sigui registro internacional di casonan di e coronavirus cu na un velocidad enorme tabata subi.

Si pa 2or di merdia mundo a registra e momento historico cu e coronavirus a registra Un Miyon caso, e cifra a sigui subi y mey ora despues ya a yega cas Mil caso mas.

Mientras 95 den 100 caso ta keda suave, e resto di cinco casonan ta mortal. Na e momento cu e coronavirus nobo a yega Un Miyon, e indice mortal di e virus a bira 20 porciento cu ta e punto di mas halto cu el a yega te awor.

DIARIO ayera tabata compila cifranan mundial y di Aruba, cu a keda cu un cifra hopi halto den e poblacion mundial di 7.8 Biyon persona cu a registra Un Miyon caso.

Comparacionnan riba Un Miyon di habitante ta mustra cu si Aruba tabata tin Un Miyon di habitante e lo tin actualmente 562 caso registra.

Informantenan ta indica cu Aruba a drenta un situacion sumamente serio si mira e cantidad di persona cu ta den cuarentena y e cantidad di persona cu mester test a base di e hecho cu nan por tin e virus.

Ayera sector medico mundial a drenta panico mientras tabata tuma medidanan di emergencia pa enfrenta e forma cu Covid-19 tabata propaga su mes y tabata pone henter mundo medico internacional na peliger.

Hospitalnan rond mundo ta den problema serio mientras companianan ta trata di produci aparatonan costoso pa yuda hende hala rosea cu ta e exigencia pa atende pashentnan cu wordo afecta pa Covid-19.

Den cuido medico, e momento cu e total di casonan mundial a alcansa Un Miyon, tabata hopi emocional pasobra awor e cantidad di fuentenan pa infecta hende a aumenta na forma barbaro y ta sigui aumenta cada seconde.

E capacidad pa atende cu enfermonan cu no ta Covid-19 ta baha y hasta mester tene cuenta cu mester proteha otro pashentnan den hospital pa e peliger di e coronavirus nobo cu ta serio pa hende hospitalisa.

Informantenan ta reforsa nan pensamento cu mester tuma medida mas severo na Aruba cu mester prohibi salida na aire liber dor di gruponan. Mester corta awor tur posibilidad pa infeccion ya cu e cantidad di casonan positivo di e coronavirus nobo na Aruba ta sumamente alarmante.

- Advertisement -

DUNA COMENTARIO

Please enter your comment!
Please enter your name here