Home General Richard Eman ta splica kico e terminacion di e contract cu Citgo...

Richard Eman ta splica kico e terminacion di e contract cu Citgo ta nifica

86
0
SHARE
- Advertisement -

ORANJESTAD (AAN):  Refineria di Aruba (RdA) a yega na un acuerdo cu Citgo pa asina termina nan contract. Pero esaki no a bay facil, segun Richard Eman, Presidente di e Hunta di Supervision di RdA a splica.

Ora cu a dicidi di termina e contract cu Citgo definitivamente na fin di 2019. Citgo e ora ey a dicidi cu nan lo a manda e trahadornan cas dia 1 di Januari 2020 y cu nan lo a laga e yabi den brievenbus y cu nan ta bay.

RdA a bisa cu  Citgo no por a haci esey. Asina a cuminsa discuti e riba e terminonan di e finalizacion di e contract.

Kico e terminacion di e contract ta nifica?

Pa RdA ta nifica cu tur e convenionan ta wordo termina. E tres puntonan mas importante mara na e terminacion aki ta:

Uno, cu e garantia di e desmantelacion no ta al caso mas. Dos e claim ambiental, cual nunca a existi y tres, e claim si RvA no cumpli cu Citgo ta disparce.

Relaciona cu e punto uno, Eman a splica cu e garantia pa desmantelacion cu Citgo a duna no ta bay ta al caso mas. E ta bay termina. Si wak bon, e garantia pa un desmantelacion ta uno cu basicamente no tin ningun sorto di balor ya cu despues di un caso di arbitrahe, lo yega na e conclusion cu no por haci nada mas cu e refineria pasobra nan no tin e placa pa hacie.

E otro claim cu ta wordo elimina ta e claim ambiental. Nunca tabata tin un claim ambiental riba Citgo, Richard Eman a indica.

Na aña 2016, un ley a wordo pasa na Staten unda gobierno ta autorisa algun minister pa firma un exoneracion na Valero. E claim medio ambiental cu tabata tin cu Lago a wordo pasa pa Coastal y despues Coastal pas’e pa El Paso y finalmente el a finaliza na Valero.

Valero tabata tin e obligacion cu si acaso nan bay, cu nan mester a desmantela y paga pa e claim ambiental. Cu e ley cu a pasa, Valero a wordo exonera completamente di tur claim ambiental di aña 2016 bay te patras te na comienso di Lago. Eynan, a remarca, no tin claim ambiental.

Citgo a bin y a haya un refineria den e condicion sin cu e mester ta preocupa cu tur loke a pasa den pasado, Eman a agrega.

E unico cos cu ta para den e acuerdo cu Citgo ta cu Aruba por claim nan pa e sushi y e daño na medio ambiente cu nan a ocasiona. Pero door u Citgo no a haci nada, e ora no tin un motibo pa por claim Citgo, Eman a bisa.

E di tres aspecto ta cu den e acuerdo tin condicionnan cu na e momento cu RdA of Gobierno no cumpli Citgo por pone un claim contra. E claim ey no ta 150 miyon dollar. E ta minimal 300 miyon dollar. Si Citgo a inverti mas cu esey, por bira mas ainda.

Pero e claim aki tambe ta desaparece na momento cu firma un terminacion, e ehecutivo di RdA a duna di conoce.

 

- Advertisement -

DUNA COMENTARIO

Please enter your comment!
Please enter your name here