Home Gobierno Prome Ministro desapunta pa mira hopi hende den rij largo dilanti Supermarket

Prome Ministro desapunta pa mira hopi hende den rij largo dilanti Supermarket

272
0
SHARE
- Advertisement -

ORANJESTAD (AAN): Prome Ministro Evelyn Wever-Croes a revela Diasabra anochi na pueblo, cu el a keda desapunta pa nota e mesun dia ey, con hende for di mainta trempan ta para na rij largo na algun negoshi.

El a keda desapunta cu esey, pasobra desde comienzo di e Crisis di Coronavirus no a pasa un dia cu el a purba splica na e idioma mas senciyo, pa hendenan keda paden durante Shelter-in-Place.

Si acaso bo bay sali mes, por fabor haci esey djis pa un rato bin bek.  Si bo ta yega di un negoshi y ta mira un rij largo, hala leu di dje.  Pasobra para den e rij eynan bo por haya contagio, y despues bo ta hiba e virus bo cas, y pega tur bo sernan keri.  Premier Wever-Croes a bisa cu e no sa den ki idioma mas e mester splica esaki.

El a haya sa si cu e biaha aki, Task Force a bay controla instancia- y negoshinan.  Di 38 lugar cu nan a controla, na final Task Force a cera 17 negoshi.

E trabao ta sigui, y aki Wever-Croes a adverti cu si acaso sigui asina e siguiente dianan cu ta cera mas negoshi cu no ta cumpli, e ora pronto lo no tin ningun supermarket habri.  Cu esey e ta mustra cu ta keda e responsabilidad di cada ciudadano cu ta comprende cu unico pa stop e brote ta pa keda paden di bo cas.

Pues tuma nota cu 17 negoshi a wordo cera, pasobra a actua contra Decreto Ministerial di Shelter-in-Place, pasobra kizas e negoshi no ta esencial, of no ta cumpli cu higiena, y algun a wordo reconsidera despues y a habri bek.

Ta di spera cu comerciantenan tuma bon nota, aplica cambio, pasobra autoridad ta trahando cu man duro den e caso aki.

 

- Advertisement -

DUNA COMENTARIO

Please enter your comment!
Please enter your name here