Home Salud Popular DJ di New York cu tabata bin toca na Aruba a...

Popular DJ di New York cu tabata bin toca na Aruba a fayece di Coronavirus

3740
0
SHARE
— Tanto su tata y mama ta procedente di Aruba.
- Advertisement -

ORANJESTAD (AAN): E ta conoci como DJ Sycho y tabata toca na numeroso ocasion na Aruba, e.o. durante eventonan di Neonsmash, organiza pa e grupo local di Rave Junkies  Su querida mama tambe ta na New York pero ta procedente di Aruba, y tabata biba na San Nicolas.  Su tata tambe ta di Aruba y ainda ta biba aki.  Pesey e tin un circulo di amistad grandi na Aruba.

E ta procedente di Brooklyn, New York cu a wordo azota fuertemente pa brote di Coronavirus desde Maart.  New York ta awor e epicentro di e brote.

DJ Sycho su nomber mes ta Sha-King Arrindell, y ora cu el a sinti varios sintoma di un griep pisa, el a bay pa haci test.  El a haya e noticia dia 26 di Maart cu el a test positivo pa Covid-19 y su salud e momento ey ya tabata sigui empeora.  Pesey el a wordo hospitaliza.

Diabierna siman pasa, el a confronta problema pa hala rosea, y nan a pone riba un ventilador, y suministra medicamento pa verdoof.

Dialuna mainta e tristo noticia a drenta cu el a sucumbi pa Coronavirus, y a fayece.  Mesora e informacion a circula y na Aruba tambe a haya sa cu el a fayece.

DJ Sycho di 34 aña di edad, tabatin un amor pa musica for di chikito caba, y semper a keda cu toca musica y a perfecciona esaki aun mas.  Pero toch den dia, e tin su mesun compania di Optica y Bril na New York y ta exitoso den esey.

El a bay lagando un yiu y su esposa atras.  Na famianan di e fayecido, DIARIO ta manda su mas profundo palabra di condolencia.

 

- Advertisement -

DUNA COMENTARIO

Please enter your comment!
Please enter your name here