Home Policial Polisnan di districto Oranjestad a walk-out

Polisnan di districto Oranjestad a walk-out

699
0
SHARE
- Advertisement -

Sclamando pa nan proteccion y salud

ORANJESTAD (AAN):  Diahuebs mainta un grupo di Polisnan di e districto di Playa a tene un ‘walk-out’. Nan a pone nan trabao un rato un banda pa manifesta nan disgusto relaciona cu nan proteccion y nan salud.

Presidente di Sindicato di Polis, Jose Dirks a splica DIARIO cu e polisnan ta haya cu nan ta un di e gruponan cu durante e crisis di Coronavirus ta atendiendo e situacion den ‘frontline’. Pesey nan ta exigiendo proteccion pa nan salud y di nan famia.

Dirks a manifesta cu dos punto a wordo treci dilanti. Un asunto ta esun di uniform. Polisnan ta sinti cu nan ta mihor proteha si nan ta bisti un polo.

Ta asina cu pa e polisnan por ta ariba caya nan mester uza e uniforma cu ta reglamenta cual tin hopi metal. Ta premira cu unda tin hopi metal ta caminda cu e virus ta pega mas facil y e polisnan ta preocupa riba e aspecto aki pa loke ta nan salud y nan famia.

Pero nan ta sinti cu nan ta no ta suficientemente proteha pa loke ta coronavirus.

Un otro aspecto cu Dirks a trece dilanti ta e echo cu kier a bin cu un sistema pa atende cu publico  na warda di Playa y evita menos contacto cu publico.

Pa esey na warda di polis a pone un bel pa asina ora cu un persona yega solicitando atencion un miembro di nan por sali y atende cu e caso. Pero a dicidi cu e porta mes ta keda habri cu tur e consecuencianan cub esey por trece, a indica.

E polisnan di Playa no tabata di acuerdo cu esey. Parce cu riba esaki no a yega na un acuerdo y mester a pone sindicato SPA intermedia.

Parce cu no tabata tin reaccion di parti di polisnan di otro districtonan. E polisnan cu a manifesta tabata esnan cu ta traha na warda na Playa.

E sindicato ta haya importante pa por sinta na mesa cu leiding di Polis y yega na un solucion relaciona cu e puntonan treci dilanti. Ta masha importante pa Cuerpo di Polis por sigui duna servicio, pero na mesun momento pa tene cuenta cu salud y seguridad di e polisnan cu ta ariba caya.

Union semper tin, pero cada districto ta traha ariba nan mes, cu nan mes por dicidi kico nan por bin cune dilanti na e sindicato, Jose Dirks a señala. E biaha aki districto Oranjestad su so a bin cu e aspectonan aki.

- Advertisement -

DUNA COMENTARIO

Please enter your comment!
Please enter your name here