Home Suceso Patruya di Defensa Hulandes a rescata velero chikito riba lama pazuid di...

Patruya di Defensa Hulandes a rescata velero chikito riba lama pazuid di Aruba

127
0
SHARE
- Advertisement -

ORANJESTAD (AAN): Tabata Diamars merdia cu un boto di patruya tipo FRISC di Defensa Hulandes, tabata pasando riba lama pazuid di Aruba, ora cu nan a topa diripiente cu un boto chikito di bela ta drief su so.

E tripulacion di e FRISC mesora a raporta cu nan a topa cu un velero chikito riba lama pazuid di Barcadera.  Nan a cuminza mobiliza den direccion di e velero.

Net ora cu nan tabata yegando, nan a bin ripara cu e nabegante mes tabata den lama, y hunto cu e boto e tabata trata na landa direccion tera.

E homber a indica na Guardacosta, cu e tabata nabegando ora cu un di e support di e bela a kibra, y pesey e no por a sigui mas.

Despues cu nan a hisa e homber aki for di lama, FRISC a dicidi na lastra e velero chikito rumbo pa Aruba Nautical Club.  E nabegante tabata bon, y por a bay cas normal.

Manera ta conoci, Guardacosta di Caribe Hulandes cu asistencia di Defensa Hulandes, a intensifica patruyahe rond di e islanan, pa mantene esaki safe y evita cu hendenan ilegal ta purba drenta e isla.

- Advertisement -

DUNA COMENTARIO

Please enter your comment!
Please enter your name here