Home General Ora cu Polis dunabo ordo e dianan aki bo tin di cumpli...

Ora cu Polis dunabo ordo e dianan aki bo tin di cumpli mesora cune

199
0
SHARE
- Advertisement -

ORANJESTAD (AAN): Halto Comisario interino di Polis, Vanessa Kock, a elabora e siman aki riba e reglamento di Samenscholing Verbod cu ta prohibi grupo di mas di 3 hende di aglomera cualkier lugar riba caya.

Segun Kock a revela, e regla di Samenscholing verbod a wordo delibera hopi cu Ministerio Publico.  Esaki ta bin debi cu ciudadanonan ta kehando con keto bay tin hende riba caya cu no ta atene nan mes na e reglamento ey.  Polis ta topa cu grupo di 7 hende sinta bao palo ta bebe.

Polis ta topa grupo di 15 hende hungando futbol.  Tambe ta haya keho di hopi hende ta bay cu nan picnic pa lama, siendo nan ta haciendo ningun clase di ehercicio.

Enberdad, a base di e Decreto Ministerial recien bo ta haya libertad pa bay lama, pero no bay cu henter famia y pasa pret.  Esey no ta intencion di e libertad cu bo ta haya.  Ta haya djis chens pa training of landa, y na final drenta auto bek y regresa cas.

E regla di prohibicion di Samenscholing ta dirigi pa esnan riba caya sinta hunto.

Aki Halto Comisario interino Kock a bisa cu ora Polis yega na un grupo, kizas hungando domino, tene cuenta cu ora bo haya ordo pa bandona e lugar, ta pasobra abo como ciudadano bo ta hayando un ordo pa cumpli cune.  Si bo no cumpli, aworaki facilmente Polis por detene bo.

Polis ta dunabo ordo di bandona e lugar.  Pues e ta dunabo chens pa hala di lugar, pero si abo no ta haci caso di e ordo, Polis tin autoridad pa detene bo.

Mester ta hopi claro pa tur hende cu pesey medida aki ta bin pa kibra aglomeracion cu ta tumando lugar.

 

- Advertisement -

DUNA COMENTARIO

Please enter your comment!
Please enter your name here