Home General Na memoria di Mathilda Gonzalez, LIFE Member di Women’s Club of Aruba

Na memoria di Mathilda Gonzalez, LIFE Member di Women’s Club of Aruba

54
0
SHARE
- Advertisement -

Cu hopi dolor na nos curason, nos a yama ayo na nos Life Member stima, Mathilda Gonzalez- de Windt, kende tabata un miembro di club pa mas di 40 aña.

Mathilda a join nos organisacion na aña 1972, y tabata un boluntario dedica fo’i prome dia caba, un miembro deboto, cu hopi pasion, atencion y amor pa nos comunidad.

Pa hopi aña, Mathilda tabata un miembro hopi activo di WCA, dunando hopi di su tempo, dedicando su mes na diferente proyecto di club, tanto den Standard Committee como Special Committee. Y na 2012, Mathilda a wordo reconoci y honra como Life Member di WCA.

Mathilda tabata gusta nos Christmas Bazaar masha, pa asina e por a presenta su bunita obranan di man na nos miembro- y invitadonan pa nos recauda fondo pa club.

E di 80 aniversario di club tabata hopi special p’e, mirando tur locual el a logra pa club y cu el a forma parti di dje.

Durante cu Mathilda a atende su ultimo reunion general di miembrecia, e tabata hopi motiva pa a comparti su experiencia como miembro, hopi contento y cu satisfaccion di por a sirbi nos comunidad.

WCA ta desea su cuater yiunan Rina, Bettina, Rafi, Miriam y demas famia hopi forza den e dianan difícil aki.

Sosega na paz Mathilda stima, danki pa tur e añanan di dedicacion na WCA tanto como miembro como Life Member.

Fotonan pa cortesia di Emperatriz Perdomo.

 

- Advertisement -

DUNA COMENTARIO

Please enter your comment!
Please enter your name here