Home Gobierno Ministro Dangui Oduber satisfecho cu e prome radiotherapia a tuma lugar na...

Ministro Dangui Oduber satisfecho cu e prome radiotherapia a tuma lugar na ImSan

239
0
SHARE
- Advertisement -

ORANJESTAD (AAN): Recientemente na januari Minister di Salubridad Sr. Dangui Oduber a indicia durante su site visit na Imsan pa loke ta trata e prome fase di expansion di Imsan cu dentro di poco Aruba por conoce su prome afdeling di Radiotherapia funcional.

Diaranson exitosamente a tuma lugar e prome radiotherapia na ImSan. Esaki ta nifica cu pashentnan residencia aki na Aruba no lo mester bai mas den exterior pa esaki. Esaki ta significa cu e pashentnan lo keda den su seno familiar. Na mes momento esaki lo reduci e costonan di AZV pa cu pashentnan cu ta wordo manda den exterior pa tratamento di radiologia.

E maneho di salud publico ta dirigi riba mehora e calidad di cuido y servicio. Cu e logra aki nos ta logrando mehoracion den cuido pa nos hendenan.

Minister Dangui Oduber den nomber di Gobierno kier felicita e visionario Dr.Joel Rajnherc y full team di ImSan Aruba y partners Di Miami Cancer Institute y Baptist Health. Awe ImSan a marca historia.
ImSan su vision y su desaroyonan pa cu cuido medico ta cuadra cu e vision di Gobierno di Aruba cu ta pa mehora e calidad di cuido na Aruba y como tambe crea un plan sostenibel pa Aruba pa asina e fondonan di AZV ta sostenibel pa den futuro. Mirando e crisis cu nos ta aden aworaki, sigur esaki ta caminda cu nos por reduci e gastonan di AZV. Tur esaki sigur ta cuadra cu vision di nos Gobierno.

E logro aki ta uno historico pa cuido medico y cu nos tur na Aruba mester ta orguyoso di dje.

 

- Advertisement -

DUNA COMENTARIO

Please enter your comment!
Please enter your name here