Home Hudicial Ministerio Publico a divulga e suma di boet cu ta na vigor...

Ministerio Publico a divulga e suma di boet cu ta na vigor e dianan aki

388
0
SHARE
- Advertisement -

ORANJESTAD (AAN): E siman aki, Ministerio Publico a emiti un boletin pa henter pueblo mira cuanto ta e boet cu nan lo cobra ora cu bo viola reglamentonan di Shelter-in-Place como tambe viola Toque de Queda.

Esnan cu no cumpli cu e reglanan stipula (articulo 2) pa garantiza higiena y distanciamento social, na e instancia, empresa, y companianan cu ta duna servicio esencial, companianan chikito lo haya boet di 1.500 Florin.  Compania grandi lo haya 3.000 Florin di boet.

Esnan cu viola Toque de Queda (articulo 5), lo haya un boet di 1.000 Florin.  Si bo bolbe haci esey, lo e siguiente boet ta 1.250 Florin.  Na di tercer biaha lo bo keda deteni.

Esnan cu viola e regla di laga cierto negoshi y empresa habri (articulo 6), aki companianan chikito di 1 te 5 trahador lo haya boet di 1.500 Florin.  Empresanan mediano di 6 te cu 25 trahador lo haya boet di 3.000 Florin.  Companianan grandi di 26 of mas empleado ta haya boet di 5.000 Florin.  Esnan cu bolbe comete mesun pifia y wordo gara, lo haya e siguiente boet igual cu aumento di 20%.

Esnan cu wordo haya riba caya ta viola e ley di hende cu ta para banda di otro hunto, esta samenscholing di mas di 3 hende (‘loitering’ na ingles), cu ta viola articulo 7, esaki ta un boet di 1.000 Florin.

Esnan cu wordo gara ta viola nan regla di isolacion of cuarentena, segun articulo 10, lo haya un boet cu ta cuminza na 1.000 Florin bay ariba.

 

- Advertisement -

DUNA COMENTARIO

Please enter your comment!
Please enter your name here