Home General Migracion como baca di lechi na peliger

Migracion como baca di lechi na peliger

1062
0
SHARE
- Advertisement -

Covid-19  ta afecta proyeccionnan y vision prome cu 2020

*Na paisnan chikito migracion tabata e bara magico pa mas entrada

*Virus tambe lo acelera cambionan grandi pa trabou den futuro 

ORANJESTAD(AAN)–Na 2025 varios cambio grandi mester a bira realidad na mundo. Liderazgo mundial pa medio di dominio di tecnologia, caida di petroleo a base di surgimento di electricidad como combustibel, cambionan grandi pa trabou tur tabata parti di planificacion pa e era nobo di culminacion di tecnologia.

Na final di 2019 hopi atencion a wordo dedica na e forma rapido cu cambionan lo a cuminsa presenta riba tur tereno. DIARIO tambe a guia su lectornan riba tur loke mester a spera den futuro cercano.

Mientras 2020 tabata acerca, un virus a presenta su mes na mundo y a deshaci practicamente di tur planificacion.

DIARIO ta siguiendo desaroyonan den tur sector mundial cu lo afecta Aruba tambe pa asina, mescos cu DIARIO a prepara Aruba pa e yegada di Covid-19, prepara Aruba tambe pa e tempo despues di Covid-19 cu lo tin mucho mas impacto cu loke ta pensa actualmente.

Uno di e aspectonan cu sigur lo mira cambio ta migracion, cu no solamente tabata un forma pa hende busca porvenir nobo pero a wordo mira na hopi pais como un forma pa gobierno y fondonan di gobierno haya mas entrada.

E situacion mundial prome cu Covid-19 ya tabata duna suficiente motibo pa sigur spera cambionan grandi na paisnan cu mescos cu Aruba tabata den problema financiero serio pero tambe fondonan publico.

Congresonan a wordo teni pa mira con por a atrae mas migrante pa asina aumenta e entrada na belasting y fondonan social entre otro cu tabata baha den entrada dor di por ehempel e aumento di cantidad di hende cu a alcansa edad di pensioen di behes.

Migrantenan den e teoria, cu a haci cu instancianan Arubano tambe tabata parti di congresonan internacional, lo mester a percura pa sostene e fondonan publico cu tabata perde entrada pa motibo cu un grupo cada bes mas chikito di hobennan mester a sostene fondonan cu mester a yuda hende grandi tambe.

Un contenido nobo tabata wordo duna na migracion, cu den caso di migracion social tabata basa riba hende cu na nan propio luga no tabata tin e posibilidad pa desaroyo manera sigur tabata tin na Aruba, cu manera DIARIO na hopi ocasion tabata splica a crece y sigui crece sin tene e responsabilidad pa migrantenan bon na bista.

Migracion como baca di lechi pa paisnan tabata un tema hopi discuti na 2019 y parti di vision mundial. Awe organisacionnan mundial di trabou ta na careda pa mira kico haci cu migracion cu a bira problema pa e paisnan envolvi.

Informantenan a sigui demostra nan preocupacion pa e problemanan serio cu por surgi na DIARIO.

Aruba tin cantidad basta importante di trahado stranhero, cu ta na Aruba a base di un permiso mara na trabou mientras ainda e economia di Aruba por a brinda trabou.

Na e momentonan aki, e trahadonan aki ta parti di e solucion cu Aruba mester haya pa trahadonan sin trabou, despues cu mester a cera economia di Aruba cu lo no bolbe na normalidad na forma facil.

“E baca di lechi a bira un problema serio,” informantenan a mustra pasobra mester inclui tur cu tabata traha den planificacion di un futuro cu ningun hende na mundo por bisa kico e lo ta.

Sigur ta, cu pa trabou ta bay tin cambio grandi. Pa pone economia atrobe den funcion, lo mester pone comercio mundial na marcha. Comercio mundial tabata dilanti dos punto importante di cambio cu tabata e transferencia di capital di un generacion pa otro pa yega na 2025.

Den e transferencia di capital di un generacion pa otro,  e forma di haci comercio lo a sufri cambio.

Na caminda pa 2025 mester tene cuenta cu introduccion di mas tecnologia cu lo afecta trabou manera e ta conoci actualmente.

Lo mester atende na prome luga con ta pone Arubianonan na Aruba na trabou atrobe y migracion lo bira dificil.

Esaki ta nifica pues cu e baca di lechi artificial cu migracion mester a bira pa varios fondo di Aruba y hopi pais na mundo, lo no ta posibel den e structura economico y comercial nobo cu Covid-19 lo produci.

- Advertisement -

DUNA COMENTARIO

Please enter your comment!
Please enter your name here