Home Salud Mayornan preocupa cu a pospone vacunacion di nan baby te proximo aviso

Mayornan preocupa cu a pospone vacunacion di nan baby te proximo aviso

44
0
SHARE
- Advertisement -

ORANJESTAD (AAN):  Dialuna DIARIO a wordo informa cu mayornan cu tin baby cu mester a cuminza haya vacuna, cual maneho ta den man di Wit Gele Kruis, a wordo yama pa pone nan na haltura cu WGK ta para e siguiente vacunacion te proximo aviso.

Na prome instancia Jurette Croes PR di Departamento di Salud a indica cu nan lo invita un persona di WGK pa contesta e pregunta.

Pero den e conferencia di prensa di 7 or di anochi Sharline Koolman, di DVG a duna e contesta y a splica cu esaki ta un decision di docternan di cas y cu Salud Publico ta sigui e decision aki. E argumento ta pa tene e baby safe. Kiermen no core risico.

Tin mayor cu no ta di acuerdo cu e decision. No a splica ki sorto di riesgo e baby por core, si ta suppose cu e docter cu ta vacuna e baby mester ta safe y bon proteha, y e ta bay individual y no mas di un mucha pareu.

Y ni sikiera ta opinion di pediatranan mes.

Un vez mas mayornan ta bisa cu vacunacion durante e infancia ta un continuidad for di prome luna di bida di e mucha, precisamente pa preveni malesanan contagioso cu si ta core den aire mes.

Algun tempo pasa tabata tin algun caso di sarampi aki na Aruba, bao muchanan cu no a sigui e regimen di vacuna cu Salud Publico ta fomenta y hasta bin cu campaña pe. Pues, pa mayornan ta keda un decision dificil pa compronde.

- Advertisement -

DUNA COMENTARIO

Please enter your comment!
Please enter your name here