Home General Mariniernan di Escuadron 32 ta yuda Wardacosta pa controla trafico maritimo

Mariniernan di Escuadron 32 ta yuda Wardacosta pa controla trafico maritimo

2198
0
SHARE
- Advertisement -

ORANJESTAD (AAN)- Mariniernan di e Eskuadron 32 di Asalto (‘32 Raiding Squadron’ ) ta keda desplega pa sostene Wardacosta na Aruba, cu ehecucion di nan tareanan.

Ya caba tabata trata di un asistencia andando, den cual militarnan di ARUMIL (Arubaanse Militie) tabata reënforza personal di Wardacosta durante patruya regular riba awa. E asistencia aki lo sigi, y a expande esaki cu mas personal y material, pa asina Wardacosta na Aruba por mantene e control optimal riba e fronteranan maritimo.

E personal añadi di CZMCARIB, conhunto cu personal di Wardacosta, lo percura pa vigilancia 24/7 riba e area maritimo.  E asistencia di e botonan FRISC (‘Fast Raiding Interception Special Forces Craft’ – botonan di intercepcion y seguridad rapido) di Marina Real, cual tambe ta forma parti di e asistencia pidí, lo zorg pa extra presencia físico riba laman. Tambe patruyanan riba tera ta keda intensiva; esaki den bon cooperacion cu Cuerpo Policial Arubano (KPA).

E intensificacion ta un resultado di e medidanan cu Aruba a tuma en coneccion cu e brote di COVID-19.  Akinan e fronteranan marítimo a keda cera pa tur boto cu ta bin di afo, cu algun exepcion . E medidanan mester juda pa mas tanto cu ta posibel evitainfeccionnan cu COVID-19.  Pa motibo di esaki trafico maritimo pa Aruba ta keda estrictamente controla.

 

- Advertisement -

DUNA COMENTARIO

Please enter your comment!
Please enter your name here