Home General Jamaica ta adverti Funerarianan con nan tin di trata defuntonan cu tabatin...

Jamaica ta adverti Funerarianan con nan tin di trata defuntonan cu tabatin e virus

63
0
SHARE
- Advertisement -

ORANJESTAD (AAN): Preocupacion relaciona cu e hendenan cu ta muri di Coronavirus Covid-19, y cu kizas nan por contagia otro ainda, a pone cu Ministro di Salubridad Publico di Jamaica adverti pa evita di tin contacto directo cu sanger of otro liquido cu ta sali di curpa di un defunto.

Ministro Dunstan Bryan na Jamaica, a adverti e Funerarianan tambe, cu nan trahadornan mester benta afo na e forma corecto, tur equipo protector cu nan usa despues di a trata e resto mortal di un hende infecta cu Covid-19 of otro malesa contagioso.

E advertencianan aki ta entre lineanan di guia cu Ministro di Salud Publico na Jamaica a manda pa doñonan di Funeraria rond di e isla, como parti di medidanan pa yuda mitiga e brote di Coronavirus, y pa proteha empleadonan tambe.

Te cu Diadomingo, Jamaica tabatin 58 caso confirma di Covid-19, y ya caba a registra 3 morto.  E prome victima tabata un homber di 79 aña di edad procedente di New York.  El a muri dia 18 di Maart.

NO A WORDO DERA AINDA:

Te cu Diabierna siman pasa, e homber aki ainda no a wordo dera, segun e Funeraria cu tin su cadaver a confirma.

E doño di e Funeraria ta wardando instruccion.  Nan no a ricibi nada ainda, ni di e Ministro di Salud, ni di e famia.  El a bisa cu e sa si di e protocol pa e trato di cadavernan di malesa contagioso.

- Advertisement -

DUNA COMENTARIO

Please enter your comment!
Please enter your name here