Home Noticia Internacional Jamaica pensando seriamente pa divulga nomber di esnan riba cuarentena

Jamaica pensando seriamente pa divulga nomber di esnan riba cuarentena

310
0
SHARE
— Prome Ministro Andrew Holness a duna e advertencia aki.
- Advertisement -

ORANJESTAD (AAN): Entrante Diaranson 1 di April 2020, henter Jamaica a cuminza cu Toque de Queda.  Esaki ta valido for di 8:00 pm sigui te cu 6:00 am.  Esaki pa yuda mitiga e brote di Coronavirus na e isla, cual ya caba a causa 1 morto.

Pero ademas di esey, Jamaica tambe ta hayando problema cu esnan cu recien a yega e isla y a ricibi ordo di bay riba cuarentena, pero nan no ta cumpliendo cabalmente cu esey.  Ademas tin hasta hende cu a yega e isla, pero no a identifica nan mes pa asina nan wordo poni riba cuarentena.

Awor Gobierno di Jamaica a dicidi, cu tur hende cu a yega e pais entre 18 di Maart y 23 di Maart, y cu no a bay den cuarentena of no a ni identifica nan mes, lo por haya multa cu ta yega te 13.000 Florin (Arubano), of 12 luna cera den prison.

Prome Ministro Andrew Holness a duna e advertencia aki durante un conferencia di prensa virtual.  E ta bisa cu e hendenan cu a yega e isla y cu no a pone nan mes den cuarentena, ta e riesgo di mas grandi aworaki na Jamaica.

   PUBLICA LISTA DI CUARENTENA

Pesey awor a pone un decision obligatorio cu tur esnan cu a yega entre e fechanan ey pa nan registra nan mes na un website of yama un telefon.  Tambe pa nan ta na altura cu pa 14 dia nan tin keda den cuarentena.

Ademas di esey, Prome Ministro a splica cu Gobierno tin e opcion pa publica e nomber di tur hende riba cuarentena.

“Nos ta un tiki cauteloso pa publica e lista di nomber.  Nos ta pensando cu nos no kier stigmatisa hendenan.  Nos no kier pa den ningun forma viola e privacidad di hendenan, pero nos mester reconoce tambe cu esaki ta un crisis di salud publico y ley di berdad ta duna nos poder pa tuma medida, pero claro nos no por abusa di dje.  Pues nos ta tumando tur medida cu ta wordo mira como rasonable den un sociedad liber y democratico,” el a bisa.

Holness a bisa cu e curvia di infeccion na Jamaica a keda relativamente abao, mientras cu e curvia na otro paisnan den Caribe ta sigui subi, y exponencialmente den algun caso.

- Advertisement -

DUNA COMENTARIO

Please enter your comment!
Please enter your name here