Home General Industria di cuminda di lama luchando pa keda na bida

Industria di cuminda di lama luchando pa keda na bida

105
0
SHARE
- Advertisement -

ORANJESTAD (AAN): Un di e industrianan cu a wordo afecta grandemente pa e Crisis Mundial di Coronavirus, ta esun di Seafood.  Benta den Restaurantnan a cay fuertemente, y esaki a pone cu awor Piscado y hasta Dealernan ta buscando tur forma pa haya mercadonan nobo.

Cuminda di Lama ta un industria global cu ta depende riba un red complica di piscado, procesadornan, cumprado, y distribuidor, y tur esakinan a wordo afecta pa e virus.

Un caida di demanda a pone prijsnan cay y a hasta forza piscadonan pa bay mara nan boto y no ta subi lama mas, tanten cu e Crisis no finaliza.

Na Merca, miembronan di e industria di Seafood ta hasta pidiendo Gobierno di Donald Trump yuda nan pasa den e situacion dificil aki.

Pa awor, e mercado pa cuminda costoso di lama manera Scallops y Lobster na no-existente pa awor.  Un lugar di subasta di pisca na Maine (Merca) cu normalmente ta re-bende 27.000 kilo di pisca pa siman, awor a cay te na 1/3 parti di esey.  Dealernan ta hasta rechaza di acepta Lobster e temponan aki.

Diferente escenario di Shelter-in-Place a pone cu clientenan no ta bayendo Restaurant, y esey ta unda cu tipicamente Seafood ta obtene e prijsnan di mas halto.  E industria di exportacion a wordo debilita tambe pasobra aworaki transporte pa mercadonan manera China, Italia, y Spaña a wordo afecta hopi duro mes.  Pesey mes awor prijsnan di wholesale di Seafood ta cayendo.

Na Aruba por a nota cu varios compania local cu ta importa Seafood pa Hotelnan, a cuminza ofrece paketenan atractivo na publico en general.

- Advertisement -

DUNA COMENTARIO

Please enter your comment!
Please enter your name here