Home General IMF a proclama e pio crisis mundial for di Great Depression

IMF a proclama e pio crisis mundial for di Great Depression

285
0
SHARE
- Advertisement -

E guia financiero oficial di Aruba ta anuncia futuro nobo awe

*Medida di Banco Central di Aruba confirma den huida capital

*81 porciento di forsa laboral mundial a keda sin trabou

ORANJESTAD(AAN)–Awe oficialmente mundo lo wordo informa dor di e Fondo Monetario Internacional di e desaroyonan economico, financiero y mundial cu por spera na 2020 y 2021.

En corto e dirigente di IMF a anuncia for di fin di siman cu Covid-19 a bari e pronostico oficial di instancianan financiero pa 2020 for di mesa y a destrui e pronostico oficial di 2020 cu tabata papia di un recuperacion economico.

Loke e dirigente di e Fondo Monetario Internacional a presenta ayera, tabata un mundo completamente diferente den cual hamber y miseria lo habri paso.

El a confirma e informacionnan di DIARIO for di momento cu e crisis a cuminsa cu no por papia di un recesion sin mas ya cu e tempo cu mundo lo keda colga den problemanan lo ta basta largo y sin perspectiva actualmente.

Segun e dirigente di e Fondo Monetario Internacional mundo a drenta e pio crisis economico y financiero for di e Great Depression di Siglo un siglo pasa, cu a destrui economia mundial.

Un realidad sumamente pisa a wordo presenta cu e informacion cu 81 porciento di e forsa laboral mundial a keda sin trabou.

Esaki lo bay haci cu despues di e Coronavirus nobo, mundo lo drenta un tempo cu pa un gran parti di su poblacion lo ta marca pa hamber y miseria cu no tabata conoci.

Mundo no tabata prepara pa e desaroyo y despues cu China y Merca a firma un acuerdo comercial, e pensamento mundial pa 2020 tabata cu economia mundial lo bay dilanti.

Nacionnan Uni for di 2015 a introduci su plan pa na 2030 un mundo sin hamber bira realidad.

Covid-19 a deshaci di e pronosticonan positivo y a hinca hende den problema serio.

E dirigente di e Fondo Monetario Internacional, cu ta asisti Aruba tambe den asuntonan financiero, a duna informacion cu ta bira prueba cu Banco Central di Aruba a haci un bon trabou ora na Maart 17 como medida contra e situacion di Covid-19, a stop salida di capital for di Aruba.

Segun e dirigente di Fondo Monetario Internacional, 100 Biyon Dollar a bandona paisnan cu tabata tin un mercado creciente pero ta riesgo pa inversion despues di e Coronavirus nobo.

DIARIO Diaranson lo entrega na Aruba e anuncio oficial di e Fondo Monetario Internacional di e realidad financiero, economico y social nobo di mundo na 2020 y 2021 y e forma con mundo lo mester atende cu e pio crisis for di Great Depression un Siglo pasa.

 

- Advertisement -

DUNA COMENTARIO

Please enter your comment!
Please enter your name here