Home Suceso Hulanda: Homber di Aruba a wordo asesina na Haarlem

Hulanda: Homber di Aruba a wordo asesina na Haarlem

2338
0
SHARE
- Advertisement -

ORANJESTAD (AAN): Tabata Diamars siman pasa cu autoridad na Hulanda a haya nan ta atende un caso misterioso, ora cu un curpa sin bida a wordo haya den un lago (‘meer’) chikito na Haarlem.  Algun hende a mira algo cu ta parecido na un saco grandi ta drief y pesey a notifica Polis.

Autoridad a bay cu specialistanan forensico como tambe un Helicopter.  E curpa sin bida a wordo haya den e meer cu ta conoci como Mooie Nel.  E curpa ya den estado avanza di descomposicion tabata lora rond di un bela (di boto), y wanta cera cu ducttape.  Hecho si ta cu for di comienzo caba, autoridad a mira cu e persona a fayece debi na violencia.  Na prome instante no tabata sa si ta un homber of muher, y pesey Polisnan a cuminza busca cualkier tip of testigo.

Normal e meer ey ta uno hopi druk cu hende, pero aworaki debi na e crisis di Coronavirus, casi no tin hende ta pasa eybanda.

Autoridadnan Forensico di Polis e ora a cuminza cu e investigacion, y den ultimo dianan a logra extrae un muestra di DNA for di e curpa, y asina a compara esey cu e database Hulandes di hendenan cu ta perdi.

Despues di un siman di tempo, Polis a logra identifica e persona aki.  E ta un homber di 31 aña di edad procedente di Aruba, y su nomber ta Lindomar Maduro.   Tambe a deduci cu el a fayece violentamente, y mas detaye no a duna.  A ser bisa si cu nan ta sigui pidi tip di cualkier testigo pa yuda nan den e investigacion.

Awor e investigacion ta sigui pa asina haya sa, desde ki tempo e ta perdi y mas dato.

Na famianan di Lindomar, DIARIO ta manda su mas profundo palabranan di condolencia.

- Advertisement -

DUNA COMENTARIO

Please enter your comment!
Please enter your name here