Home Gobierno Hospital como DVG tin un protocol ‘in place’ pa atende cu pashentnan...

Hospital como DVG tin un protocol ‘in place’ pa atende cu pashentnan cu COVID-19

45
0
SHARE
- Advertisement -

Minister di Salud ta lamenta loke a sosode diadomingo:

ORANJESTAD (AAN):  Minister di Salud Dangui Oduber a duna un declaracion relaciona cu e sucedido di diadomingo unda un persona a keda pafo di Hospital sin cu por a yega su cas.

Minister Oduber a lamenta e suceso aki y a bisa cu ta lamenta profundamente loke a pasa cu Sr. Martijn mientras cu na otro banda a aclaria cu Hospital como DVG tin un protocol ‘in place’.

E protocol aki ta indica cu na momento cu tin un Covid-19 pashent yega hospital y e persona aki no tin transporte, Hospital lo mester wordo informa door di e persona aki mes. Hospital tin un escogencia di pone e persona positivo den isolacion of wak si e persona tin transporte riba su mes.

Si e persona no tin transporte riba su mes lo mester wordo indica na Spoedeisende Hulp pa e ora Departamento di Salud Publico percura pa e persona tin e transporte necesario, a remarca.

Segun Oduber, a haci un investigacion pa yega na e raiz di e situacion y haya sa kico a bay robes y kico por a bay mihor tambe. E situacion di diadomingo ta un situacion lamentabel y no kier pa e sosode mas.

“Nos por garantisa comunidad cu e protocolnan ta in place (…)”, Dangui Oduber a expresa.

Jurette Croes di DVG tambe a agrega cu desde inicio di e crisis aki ta regla transporte pa personanan cu no tin transporte pa por ehempel yega Centro di Diagnostico. Si nan wordo informa cu tin un persona COVID-19 positivo cu mester transporte, esey ta wordo regla si DVG wordo informa di esey.

- Advertisement -

DUNA COMENTARIO

Please enter your comment!
Please enter your name here