Home Hudicial Hobennan cu lanta contra Polis durante e crisis aki lo tin di...

Hobennan cu lanta contra Polis durante e crisis aki lo tin di bay dilanti Huez

531
0
SHARE
- Advertisement -

ORANJESTAD (AAN): Durante conferencia di prensa, Fiscal mr. Yolanda Pronk a elabora riba loke a socede Diabierna anochi, esta cu hendenan a bolbe lanta contra Polis, e biaha aki casonan a keda registra Pariba di Brug y tambe Pabao di Brug.

Fiscal a referi tambe na loke Halto Comisario interino Vanessa Kock a declara caba siman pasa, esta cu Cuerpo Policial di Aruba lo no tolera e tipo di actitud aki y lo actua cu man duro.  Awor Fiscal mr. Pronk tambe a bisa cu Ministerio Publico tampoco ta tolera esaki y nan ta keda hiba un maneho di cero tolerancia.

Fiscal Pronk a relata un rato, loke ta socede ora un hende lanta contra Polis.  E persona ta wordo deteni, y e anochi ey lo keda deteni y mainta no ta ser libera.  Pues contrario na esnan cu viola Toque de Queda cu ta sali mainta, e hobennan cu comete fechoria y lanta contra Polis, ta keda wanta y cera den cel.

Despues di esey, cada persona encarcela ta haya un dagvaarding, esey nifica cu e ta haya un citacion pa presenta na Corte di Husticia.

Di e forma ey, Fiscal ta confirma cu e personanan cu lanta contra Polis no ta haya chens pa paga un boet.  Loke ta pasa si ta, cu di biaha nan caso ta wordo manda Corte pa Huez dicidi riba e caso aki.

Ki consecuencia esaki por tin pa hendenan cu lanta contra polis of personal di emergencia?  Si Huez haya cu tin suficiente prueba cu ta trata di hecho castigable, e persona aki wordo sentencia door d Huez.  E sentencia aki lo bay aparece pa colmo tambe riba e Carchi di Castigo di e persona.  Pues bo papel di bon conducta no ta limpi mas.

Consecuencia ta cu ora bo kier bay busca trabao, y doño di negoshi pidi pa papel di buena conducta, sorry, bo lo no haye pa motibo di bo comportacion.

Pues ta bon pa esnan cu lanta contra personal di Emergencia na Aruba, boso ta hinca bo curpa den problema grandi.

Na Pos Chikito, en total 9 hoben a keda deteni.  Despues di a presenta dilanti Fiscal Auxiliar, a haya suficiente motibo pa laga 2 bay liber.

Pero te cu Diasabra anochi tin 7 ainda deteni, segun Fiscal mr. Pronk a indica.

Fiscal atrobe ta boga pueblo, pa respeta autoridad pa asina bo no haya bo mes den problema.

 

- Advertisement -

DUNA COMENTARIO

Please enter your comment!
Please enter your name here