Home General Happy to give back ta recauda fondo pa yuda esnan den necesidad

Happy to give back ta recauda fondo pa yuda esnan den necesidad

63
0
SHARE
- Advertisement -

ORANJESTAD (AAN) – COVID-19 ta sigui afecta Aruba su turismo, economia local y trahadornan, pa es motibo CEDE Aruba ta lanza su campaña ‘Happy to Give Back’ pa recauda fondo.

E iniciativa ‘Happy to Give Back’ ta pa provee ayudo inmediato na food bank local y pa continua yuda esnan den necesidad. En especial, nos grandinan, personanan cu ta den isolacion completo, muchanan y miles di personanan cu a perde nan trabao. Tur contribuicion lo wordo haci riba diferente plataforma online.

“Nos isla ta den un situacion devastador, como Aruba su economia pilar, es ta ‘turismo’ a wordo completamenta paralisa. Standard & Poor ta projecta cu nos isla lo ta e pais mas afecta na mundo debi na e impacto di COVID-19 na nos turismo. Ta wordo projecta cu mas di 25.000 persona lo perde trabao, cual ta casi un cuart di nos pueblo, pa cual nos mester di tur ayudo cu nos por haya.”, segun Daniel Tecklenborg, Director di CEDE Aruba.

Aruba ta ricibi aproximadamente 1.2 miyon di bishitante pa aña, e iniciativa aki ta pa yama cada persona cu tin un conexion y amor pa Aruba pa duna sosten y ta ‘Happy to Give Back’ na nan destino favorito.

Pa mas informacion y con pa hasi donacion na e iniciativa‘Happy to Give Back’, bishita: www.happytogiveback.com

 

- Advertisement -

DUNA COMENTARIO

Please enter your comment!
Please enter your name here