Home General Haiti a raporta prome morto di Coronavirus

Haiti a raporta prome morto di Coronavirus

28
0
SHARE
- Advertisement -

ORANJESTAD (AAN): Riba Diadomingo, Haiti a raporta nan prome morto den caso di Coronavirus Covid-19.  Un  homber di 55 aña di edad a sucumbi di e virus, y adicional e tabatin algun malesa cronico caba.

Ministro di Salud a bisa cu e homber tabata sufri di diabetes y presion halto di sanger.

E ta un di solamente 21 caso di Covid-19 na Haiti, cu ta un pais hopi hoben unda mitar di esnan diagnostica cu e malesa tabatin menos di 45 aña di edad.

Te cu Diadomingo, solamente 218 test a wordo haci na Haiti desde cu e prome dos casonan a wordo confirma dia 19 di Maart.  Y esey a pone monton di critica cuminza bay for di mundo di mediconan den direccion di Gobierno pa cu e forma cu nan ta manehando e pandemia.

Desde cu e virus a aparece, Gobierno a bin ta anunciando medidanan severo pa evita cu e ta sigui plama, pero nan no a wordo sigui of manteni rigorosamente.

Tin un prohibicion pa grupo di mas di 10 hende aglomera, pero toch esaki ta wordo viola constantemente, specificamente e sistema di transporte unda tin semper aglomeracion.

Medidanan di Shelter-in-Place lo ta algo cu ta dificil pa introduci na Haiti, pasobra mayoria grandi di e habitantenan ta depende di e economia informal pa sobrevivi.

E grandura di e capital Port-au-Prince tambe, cu ta keto bay esun mas grandi den Caribe cu 3 miyon habitante, ta pone cu strategianan manera Distanciamento Social bira algo no-practico.

 

- Advertisement -

DUNA COMENTARIO

Please enter your comment!
Please enter your name here