Home General Ehercicio na laman kiermen bay beach, landa, seca bo mes y bay...

Ehercicio na laman kiermen bay beach, landa, seca bo mes y bay cas

119
0
SHARE
- Advertisement -

Prome Minister

ORANJESTAD(AAN): Gobierno no a keda nada contento ora cu a mira hopi hende a bay beach y lama, estilo picnic cu nan beach-chair, ice-jug yen cerbez, biña, y refresco.

Bo por bay lama djis pa ehercicio!  Tin hende cu ta usa lama como nan terapia y condicion.  Pues pa esey so bo por bay lama.

Ademas, pa Diabierna (10 April) y tambe Dialuna (12 April), bo no mag di bay lama mes!

Recien Prome Minister Evelyn Wever Croes a papia di esaki.  “Nos tin motibo si di preocupacion, pasobra tin mas pashent cu ta birando mas malo.  Pesey un biaha mas nos ta pidi pa tur hende keda paden, pasobra esey ta e unico manera pa hende keda sin haya e virus”.

“E virus no ta bati na bo porta pa e drenta, ta abo ta cana riba caya piki’e y hibe cas”, segun Wever Croes.

Prome Minister a papia tambe riba e medidanan cu desde dia 13 di Maart a cuminza cune.  Esaki ta inclui e lockdown di nos frontera, e Toque de Queda, e Shelter-in-Place y Samenscholingsverbod di maximo 3 hende.  Pues un grupo di 4 hende no mag papia cu otro pafo di negoshi of riba caya.  Un grupo di 4 hende no mag core den auto (solamente si nan ta di mesun famia, ‘gezin’).

Sinembargo pa Diabierna y Diadomingo venidero, e regla di Samenscholingverbod ta mas severo!  E no ta ni conta mas pa famia.

Pues Diabierna y Diadomingo awor, si bo mester sali bay Botica, of busca cuminda, preferible ta un solo hende den auto.

“Esakinan ta medidanan cu ta bay hopi leu caba y ta medidana cu nos a bin ta tuma gradualmente.  Aworaki nos ta evaluando si ta momento pa bin cu medidanan mas severo, pa evita di tin mas hende riba caya”.

“Lamentablemente nos a ripara cu tin un grupo cu no ta tene su mes na e instruccion di no sali for di cas y aglomera”, segun Wever-Croes.

E mandatario a sigui bisa cu un reto grandi ta keda e hendenan cu ta bay beach.  El a bisa cu si bo mester haci ehercicio pa bo salud bo por bay beach, pero e intencion no ta pa hende bay beach cu stoel, cu jug y parasol pa pasa dia.

“Esey no ta ehercicio, pasobra e mesun ehercicio cu bo ta haci na beach sinta den stoel bo por haci na cas”.

“Ehercicio na laman kiermen bay beach, landa, seca bo mes y bay cas”, segun Wever Croes.

 

- Advertisement -

DUNA COMENTARIO

Please enter your comment!
Please enter your name here