Home General Ecuador awor a cuminza usa carton pa Caha di Morto

Ecuador awor a cuminza usa carton pa Caha di Morto

213
0
SHARE
- Advertisement -

ORANJESTAD (AAN): E pandemia di Coronavirus a dal Ecuador masha duro mes!  Asina hopi hende ta muriendo eynan di e malesa, cu ya tur Caha di Morto normal a caba.  No tin mas den stock.  Hendenan morto ta keda benta djis riba acera dilanti cas, wardando ki dia lo por pasa recoge nan.

Municipio di Guayaquil na Ecuador, ta esun mas afecta pa Covid-19.  Riba Diasabra nan a anuncia cu a caba di haya mas di 1.000 caha di morto traha di corrugated carton, pa asina esnan cu a muri debi na e malesa aki por wordo dera cu dignidad.

E cahanan aki a bin di e Asociacion de Cartoneros cu a keda di traha un total di 2.000 caha di morto traha di e material aki.

Di e forma aki, ta tratando na duna un man na e famianan cu a perde un ser keri durante e pandemia di Coronavirus aki.  E cahanan aki lo wordo entrega na dos principal santana di e ciudad, esta Jardines de la Esperanza y tambe Parques de la Paz.  Unidad di Polis pa investigacion Criminal tambe lo haya algun pa pone den stock.

Esey ta debi cu awor ta Polis a keda encarga pa recoge e curpranan di e hendenan cu ta fayece na nan cas.

Famianan a bin ta keha cu a bira un caminda di cruz pa por haya un Caha di Morto di palo na e funerarianan.  Ecuador te cu Diadomingo mainta tabatin 3.465 caso positivo di Coronavirus.  Oficialmente a registra 172 morto, di cual 122 a muri na e capital Guayaquil.

- Advertisement -

DUNA COMENTARIO

Please enter your comment!
Please enter your name here