Home General E tragedia Arubano analisa den cifranan Hulandes

E tragedia Arubano analisa den cifranan Hulandes

1110
0
SHARE
- Advertisement -

Un rapport ta splica e forma cu politica Hulandes ta mira Aruba

*Resultado investigacion pa Parlamento Hulandes 2010-2017

*Debe y gasto a subi manera fli y entrada a baha for di 2010 

Na diferente forma, DIARIO lo analisa e reaccion di Gobierno Hulandes riba e peticion di Aruba pa asistencia financiero actual.

Hulanda a dicidi di haci esaki segun su concepto a base di prestamo sin exigencia fiho di pago den e proximo dos añanan y sin interes.

E decision aki ta un prome fase di seis siman pa diferente motibo cu otro articulo lo splica.

E prome pregunta cu ta surgi cerca hopi hende ta, pakico Hulanda ta tuma e actitud aki?

E pregunta aki sigur ta nace despues cu Hulanda a demostra confiansa den e maneho financiero actual di Gabinete Wever-Croes.

Na varios ocasion, nos a mustra riba e pensamento Hulandes riba e maneho di politiconan Arubano.

Ora papia di pensamento Hulandes, no ta papia di un Ministro pero di Parlamento Hulandes. Un rapport importante a wordo traha dor di SEO Economisch Onderzoek pa e Comision di Parlamento Hulandes pa Relacionnan den Reino.

E ta duna un bista cla kico a pasa cu placa di Aruba durante 2010 y 2017 y ta bolbe na 2009, cu DIARIO tambe semper a uza como e inicio di e caida financiero di Aruba ora a baha BBO cu mita.

E prome punto cu e rapport Hulandes ta trece dilanti ta con na 2009 entrada di Aruba a cay pasobra Valero a cera su portanan. Economia di Aruba a cay cu 11 porciento, loke tambe pues a crea mas caida di entrada na Aruba.

Durante 2010 y 2017 por mira un crecemento leve di economia na Aruba, pero tambe un crecemento di poblacion y e producto domestico nacional pa persona, ta baha.

For di 2014 e consumo (loke ta gasta) di sector priva ta baha mescos cu inversion (placa priva cu ta wordo hinca den economia) ta baha. E gastonan di gobierno anterior ta sigui subi tur aña cu un economia paralisa. Esaki a resulta den un fayo grandi pa e pais por cubri su gastonan y a resulta den un aumento historico di e debe nacional di Aruba.

E cifranan oficial pa Parlamento Hulandes ta splica cu na 2015 desempleo na Aruba a aumenta.

Na 2017 e debe nacional tabata 4 Miljard cu ta 86 porciento di loke e pais ta produci.

Na un forma structural di 2010 pa 2017 gobierno anterior a gasta 6 porciento mas di loke e tabata ricibi. Entrada di pueblo a subi levemente pero inflacion cu impacto riba costo di bida tambe a subi.

E cantidad di turista a baha ora Cuba a habri su porta mientras cu Nicolas Maduro a destrui turismo Arubano for di Venezuela y mester a bay busca mas turista na Merca.

E realidad aki a wordo entrega na Februari di 2019 na e Comision di Parlamento Hulandes.

Kico Parlamento Hulandes mester pensa di maneho politico na Aruba a base di cifranan concreto di maneho financiero 2010-2017?

E reputacion di Aruba den maneho financiero a cay entre 2010 pa 2017. Ta a base di e reputacion cu a keda pega na Aruba for di e temporada, Reino y mundo ta mira Aruba!

- Advertisement -

DUNA COMENTARIO

Please enter your comment!
Please enter your name here