Home Hudicial E siguiente Decreto Ministerial lo por bay atende aglomeracion pafo di Supermarketnan

E siguiente Decreto Ministerial lo por bay atende aglomeracion pafo di Supermarketnan

474
0
SHARE
- Advertisement -

ORANJESTAD (AAN): Riba Diasabra anochi, Fiscal mr. Pronk a recorda tur hende con siman pasa el a elabora na forma extenso con na diferente compania y instancia ta observa rij largo di hende pafo cu no ta tene nan mes na Social Distancing, etc.

El a splica cu Diasabra un biaha mas esaki tabata e caso!  Ministerio Publico a nota esaki specialmente na e Supermarketnan.

Fiscal Pronk a bisa cu tur instancia y negoshi cu ta esencial, tin di percura pa e clientenan ta practica distanciamento social.  Esey ta e motibo tambe pakico un Decreto Ministerial nobo a drenta na vigor riba Diasabra en adelante, y cu ta regarda e punto aki.

Esey nifica cu di awor en adelante, tur compania y instancia cu ta esencial y habri durante Shelter-in-Place, tin di percura pa cu ciudadanonan para den rij pafo ta practicando social distancing.  Pues awor e ta conta pa esnan dilanti e entrada y riba e tereno di negoshi/instancia tambe.

Fiscal Pronk aki a subraya, cu si e instancia no cumpli cu esaki, e ora nan por wordo cera temporalmente door di Polis te ora cu nan tin esaki bon regla.

Pesey awor Ministerio Publico ta suplica tur esnan cu tin instancia of negoshi habri y cu ta esencial durante Shelter-in-Place, pa tuma bon nota di e cambio aki pa no core riesgo.

Diabierna anochi conoci como Toque de Queda #14, autoridad a detene 13 persona.

Diasabra anochi conoci como Toque de Queda #15, autoridad a detene 12 persona.

Tambe Fiscal Pronk a splica cu te cu Diasabra, Polis na Aruba a detene 266 hende y nan a haya boet pa viola regla di Toque de Queda.  Sinembargo te Diasabra anochi, ainda ningun hende a wordo deteni y haya boet pa viola regla di Shelter-in-Place.

Pero mirando con Ministro Presidente mes ta sigui desapunta pa mira hendenan ta aglomera dilanti Supermarket, e ta kere cu lo bay bin un cambio den e Decreto Ministerial venidero pa atende esey.

Fuera di esey, Fiscal Pronk a mustra cu te ainda, cinco negoshi a haya boet pa no cumpli horario di ciere.  Un hende a haya boet pa no cumpli cu su cuarentena.

- Advertisement -

DUNA COMENTARIO

Please enter your comment!
Please enter your name here