Home Religion y Espiritualidad E Aliansa Nobo entre Dios y Hende

E Aliansa Nobo entre Dios y Hende

34
0
SHARE
- Advertisement -

Tata Santo awe Bo pueblo ta reuni na un forma special.

Hunto cu Hesus nos ta isola nos mes den un luga cera,

pa asina celebra y recorda Bo Aliansa Nobo cu nos.

Despues di Bo entrada glorioso na Herusalem, Hesus,

bo a bay cu Bo Apostelnan den un camber cera.

Nan no por a reconoce e momento Santo.

Sinta na mesa, Bo a transforma Pan y Biña,

den Bo Curpa y Sanger.

Bo a introduci e Aliansa Nobo entre Dios y Hende,

cu awe den tur Sacrificio di Misa nos ta recorda.

Awe Hesus nos no por reuni cu Bo den Misa.

Nos ta pidi Bo bini cerca nos den nos cas.

Drenta den nos shelter y bisa “Paz sea cu boso”.

Spiritualmente entrega nos e Pan di Bida Eterno

y e Caliz di nos Salbacion.

Nos ta invita Bo pa drenta atrobe den nos bida,

cu awe den e coronavirus nobo, mester renoba.

Mientras kloknan ta despedi pa drenta silencio,

laga nos den e anochi scur di Toque de Queda,

uni cu Bo den un Union Spiritual.

Permiti nos ta hunto cu Bo e anochi aki den nos cas.

Bo tabata kier pa mundo a wordo silencia na 2020,

pa asina nos por a reconoce Bo Bos.

Duna nos fe pa por a compaña abo y nos prohimo

den e Hofi di Getsemani, caminda bo a yora pa nos.

Sanger y Awa a cubri bo frenta di miedo y horor,

observando e momento cu lo Bo a muri pa nos.

Nos Salbador, bin reuni cu nos e anochi aki.

Laga nos for di nos cas uni cu henter mundo,

cu ta canta y alaba e Aliansa Nobo di Salbacion.

Awe Hesus pasa den nos Pueblo.

Laga Bo precioso Sanger laba nos picanan,

purifica nos cayanan, nos casnan, nos isla.

Manda Bo angelnan santo pa compaña nos

awe cu nos ta recorda y celebra,

Bo Sacrificio Santo como e Aliansa Nobo.

- Advertisement -

DUNA COMENTARIO

Please enter your comment!
Please enter your name here