Home Coronavirus Dr. Za Choudhry: Cu uzo di plasma di pashentnan recupera di...

Dr. Za Choudhry: Cu uzo di plasma di pashentnan recupera di Covid-19 kier haya sa si e tratamento aki ta efectivo of no

429
0
SHARE
- Advertisement -

ORANJESTAD (AAN):  Dr. Za Choudhry, Internista, Nefrologo y Inmunologo na Dr. Horacio Oduber Hospital a duna un presentacion basta amplio relaciona cu e investigacion cu ta bay inicia aki na Aruba uzando e sanger di personanan cu a recupera di Covid-19.

Dr. Choudhry a splica cu Covid-19 ta un virus hopi agresivo compara cu otro virusnan. E ta plama mas lihe y ta ataca un cell completamente.

Aworaki no tin un remedi of un vacuna contra e virus.

Ora e virus ta drenta bo curpa pa medio di wowo, nanishi of boca, loke ta pasa ta cu e curpa ta cuminsa un lucha pa combati e virus. E ta kibra y mata e virus cu anti curpanan. Esaki ta un reaccion normal den e curpa, a bisa.

Ora e curpa ta mata e virus, e persona ta haya inflamacion y ora esaki ta basta fuerte por haya complicacionnan. Por ehempel, den e pulmonnan. E proteinanan ta anti curpanan, cu ta mata e virus directamente, a señala.

E virus ta drenta den e curpa via nanishi, por ehempel, e curpa ta combati e virus y asina ta haya e sintomanan. Esey tin di haber cu e inflamacion den e curpa. E ora nanishi ta core, problema cu rosea  ta presenta, keintura. Kiermen, den e curpa tin un lucha contra e virus, Dr. Choudhry a indica.

A sigui bisa cu e trabao di e cellnan ta pa mata e virus cu anti curpanan (proteinanan).

Ora un persona cu Coronavirus ta recupera, su curpa a mata e virus exitosamente caba. E por, a bisa, saca e anti curpanan y duna un persona malo, cu ta interna na hospital y cu mester recupera.

E investigacion aki cu tin ta pa wak si e tratamento cu anti curpanan ta un tratamento bon y efectivo.

 UZO DI PLASMA

Kico ta wordo haci? Ta saca sanger for di un persona cu a haya coronavirus y cu a recupera. Den su curpa e tin awo anti curpanan. Asina ta bay wak si e anti curpanan ta bay yuda un otro pashent.

Ta saca e plasma (e likido geel) for di e sanger den laboratorio. Esaki ta sosode nan Bloed Bank. Den e plasma tin e anti curpanan y esakinan por wordo duna na un otro pashent ora e ta malo.

E plasma normalmente ta wordo uza pa otro malesanan caba. Banco di Sanger tin un cantidad di plasma pa atende cu personanan cu ta rekeri di sanger ora di por ehempel un sangrado.

Den e caso aki ta busca plasma di un pashent cu a haya Coronavirus, a reitera.

OTRO VIRUSNAN

Dr. Choudhry a sigui bisa cu tin diferente virus. E evidencia pa cuminsa e investigacion aki ta hopi. Den pasado tabata tin un epidemia di Influenza A, tabata tin Avian, Spanish Flu na 1918 y tambe MERS y SARS. Tin 32 estudio caba di tratamento di plasma cu anti curpanan y banda di esey tin meta-estudio pa wak si e tratamento ta efectivo si of no, a bisa.

IDEA NO TA ALGO NOBO

E specialista a enfatiza cu e idea aki no ta algo nobo. E ta bieu caba, pero e tabata efectivo den e virusnan aki. E idea aworaki ta pa wak si e ta efectivo atrobe den e caso di Coronavirus.

 

 

 

- Advertisement -

DUNA COMENTARIO

Please enter your comment!
Please enter your name here