Home Economia DIP a adapta maneho y otorgamento di e terenonan di huur pa...

DIP a adapta maneho y otorgamento di e terenonan di huur pa sector primario

153
0
SHARE
- Advertisement -

*Esaki pa yuda stimuli crecemento di negoshinan chikito y mediano

ORANJESTAD(AAN): Pa crea y apoya un sector primario sostenibel nos mester stimula formalizacion y crecemento di negoshinan chikito y mediano, segun Minister di Desaroyo Teritorial, Infrastructura y Medio Ambiente Marisol Lopez Tromp.

El a splica cu pa e motibo aki Departamento di Infrastructura y Planificacion (DIP) ta adapta e maneho y otorgamento di e terenonan di huur (‘huurgronden’) pa sector primario.

“Pa e motibo aki Dialuna awor lo tin un re-inscripcion di tur persona of compania aki na Aruba cu a haci un peticion pa un huurgrond pa sector primario y personanan of companianan cu a haci peticion pa extension di un acuerdo cu por a vence”.

“DIP pues ta anuncia cu lo tin e oportunidad tambe pa inscripcion nobo pa esnan cu aworaki kier bay indicia cu plantamento, pues pa persona y companianan cu no a yega di entrega un peticion formal ainda na DIP”, segun e minister.

Lopez Tromp a sigui bisa cu el a tende hopi comentario di hendenan cu a bay DIP pa paga por ehempel pa nan tereno di huur y cu no tan a tur occasion nan por a haci esaki.

“Locual a sosode ta cu una vez cu Gobierno a sinta, a bin topa cu un situacion caminda cu DIP mester a wordo reenforza. DIP tabata tin un atrazo grandi ora cu Gobierno a sinta na 2017 y esaki a inicia e prome prioridad e tempo ey pa otorga carta di reservacion pa nos ciudadanonan cu ta riba lista di espera pa cas”, segun Lopez Tromp.

E mandatario a sigui bisa cu den cuadro cu e necesidad cu nos tin awor na Aruba, ta pone un accento grandi riba e terenonan di huur.

“Nos sa cu tin cunukeronan y otro hendenan cu tin varios aña ta planta y nos kier na e momentonan aki percura pa entrenta Dialuna tur persona na Aruba cu tin un tereno di huur (huurgrond) of cu ta desea di extende e acuerdo aki pa cuminza planta akin a Aruba, pa nan mes na e re-inscripcion aki”.,

E inscripcion ta entrante 20 di April y ta bay ta vigente te cu 25 di Mei, segun e mandatario.

E minister a sigui bisa cu peticionnan mester wordo haci den e periodo aki, pa asina  tur peticionnan por wordo trata segun e planificacion di ruimtelijke ordening akin a Aruba.

Lopez Tromp a bisa tambe cu mirando cu nos ta den ‘shelter in place’, esey ta nifica cu e departamento ta cera pa publico.

Esey no ta kita si cu e team a sigui prepara  esakinan pa nos comunidad.

Pa participa na e re-inscripcion aki mester subi e website cu ta www.dip.aw y eynan bo ta haya tur e informacion di re-inscripcion y inscripcion nobo.

Tene cuenta den e caso aki cu ora cu bo subi riba www.dip.aw bo ta bay topa e formularionan aki y naturalmente bo tin cu yena algun dato di bo persona y di bo compania y haci un pago online.

E suma ta 35 florin  y den e dianan cu ta bin ta bay duna mas splicacion riba esaki.

 

 

- Advertisement -

DUNA COMENTARIO

Please enter your comment!
Please enter your name here