Home Salud Diaranzon merdia cantidad di persona den cuarentena a subi te na 1160

Diaranzon merdia cantidad di persona den cuarentena a subi te na 1160

2541
0
SHARE
- Advertisement -

* 53% di casonan confirma ta hende homber y 47% ta hende muher

ORANJESTAD (AAN):   Jurette Croes di Departamento di Salud Publico a confirma cu pa diaranzon merdia no tabata tin casonan nobo di Coronavirus na Aruba.

El a indica cu e cifranan tabata di e manera siguiente: 55 caso positivo, 672 negativo, 737 test haci. Tabata tin 10 test pendiente y 1160 persona den cuarentena.

E edad di e personanan a permanece entre 11 y 74 aña.

El a sigui bisa cu Task Force ta bezig haciendo ‘spot check’ na diferente adres unda tin personanan den cuarentena. A remarca cu esnan cu ta wordo haya violando e medidanan di cuarentena ta haya un boet cu ta cuminsa na 1000 florin.

Croes a remarca cu Shelter in Place tambe ta conta pa esnan cu ta den cuarentena. un recordatorio pa sigui cu tur e medidanan di higiena y keda aplica e distancia social.

Ta bon pa subraya, a bisa, cu e personanan cu a haci test y cu a sali negativo no ta keda inmune pa haya Coronavirus. Pesey mester keda sigui cu tur e medidanan di higiene y prevencion pa no haya e virus.

Eugene Maduro di DVG a duna un splicacion amplio riba e desaroyo di Coronavirus local y mundialmente y el a remarca cu te cu diaranzon, 877.422 persona a fayece rond mundo di e malesa aki. 185.241 persona a recupera. Tin 43.537 morto. 95% di e casonan ta casonan leve, mientras cu 5% ta cay den e condicion di critico.

Maduro a splica cu na Aruba a test te cu diaranzon merdia 737 persona, di cual 60% ta hende muher y 40% ta hende homber. E 55 personanan cu ta contagia ta representa un 7.5%.

E ultimo grupo aki a presenta den su mayoria sintomanan di tosamento, sigui pa keintura, problema cu halamento di rosea, dolor di garganta, dolor di cabez y otro sintomanan manera diarea, dolor di curpa.

E representante di DVG a laga sa cu e siman unda mas casonan a presenta tabata siman pasa unda tabata tin 24 caso di contagio di COVID-19 confirma aki na Aruba.

Pa e casonan confirma, 53% ta hende homber y 47% ta hende muher.

- Advertisement -

DUNA COMENTARIO

Please enter your comment!
Please enter your name here