Home Economia Diaranson gasolin ta baha cu 36 cent na Aruba

Diaranson gasolin ta baha cu 36 cent na Aruba

292
0
SHARE
- Advertisement -

ORANJESTAD (AAN): Minister Xiomara Maduro ta informa cu e ultimo desaroyo internacional di crudo ta indica cu tin un bahada grandi den e prijs di productonan petrolero. E prijs di combustibel na Aruba desde diaranson 8 di april ta conoce un bahada grandi, gasolin ta baha cu 36.6 cent pa liter, diesel ta baha cu 23,9 cent pa liter y kerosin ta baha cu 33,6 cent pa liter. E prijsnan ta inclui BBO, BAZV y BAVP.

E prijs di benta di combustibel ta conoce un bahada grandi door di e siguiente motibonan:

  • Desacuerdo entre Rusia y Arabia Saudita.

Na comienso di luna di maart a inicia un guera riba prijs di petroleo entre Russia y Saudi Arabia, cualnan ta dos di e exportadonan di petroleo mas grandi mundialmente. Durante un cumbre di OPEC+ cu a tuma luga na comienzo di maart, OPEC+ a haci un peticion na e paisnan cu ta miembro y tambe cu ta no miembro pa colectivamente reduci nan produccion diario di bari di petroleo pa stabilisa e prijs di petroleo te cu e di dos cuartal di aña durante cual lo bolbe evalua e situacion. Rusia cu no ta un miembro oficial di OPEC a rechaza e peticion aki. Esaki a causa como reaccion di Arabia Saudita cu ta un miembro afilia na OPEC a ofrece su barinan di petroleo na un descuento riba mercado mundial.

  • Impacto di e corona virus pandemia:

E impacto di e virus COVID-19 (corona virus) cu a wordo clasifica como un pandemia ta hopi grandi riba e mercado internacional di productonan petrolero. China, na unda e corona virus a inicia, ta e importado number uno di petroleo y su demanda pa productonan crudo a cay drasticamente.  Ademas rond mundo e demanda di fabrica y transporte a bira menos door cu hendenan mester keda den cas, buelonan a ser suspendi y economia mundial a disminui.

E combinacion di e desacuerdo riba prijs di productonan petrolero di Rusia y Arabia Saudita y e efecto di corona virus pandemia a pone cu e stock market mundialmente a raporta perdidanan grandi cu a resulta den un bahada di prijs di e productonan petrolero. Awor cu prijs di petroleo ta bahando drasticamente na mundo, por spera cu e tendencia aki lo keda den e lunanan nos dilanti.

- Advertisement -

DUNA COMENTARIO

Please enter your comment!
Please enter your name here