Home General Den Nomber di Cristo, Señor!

Den Nomber di Cristo, Señor!

67
0
SHARE
- Advertisement -

Aruba ta resa 

Tata Santo,

Durante Su bida na mundo, Hesus a splica nos,

cu tur loke nos pidi Bo den su nomber,

lo wordo duna na nos como Bo yiunan.

Awe ta den Nomber di Hesus nos ta yega cerca Bo.

Bo tabata kier pa na inicio di un decada nobo,

Semana Santa 2020 a bira un oportunidad pa nos,

pa bandona tur loke ta stroba nos papia cu Bo,

como nos Tata, nos Creador, nos Dios.

Ora David tabata prepara pa e enfrenta Goliath,

e no a haci apelacion riba su forsa pero  riba Bo poder.

Awe den Nomber Santo di Hesus, nos Salbador,

nos ta enfrenta tur problema pa cual nos no tin solucion.

Nos ta sinti nos mes impotente enfrente Covid-19.

Nos no tin vacuna, nos no tin remedi na Botica.

Expertonan di nos mundo medico ta cansa.

Nos no tabata prepara pa e menasa grandi di awe.

Awe nos kier haci uzo di e arma poderoso cu nos tin.

Ta den Nomber di Hesus nos ta presenta Bo dilanti.

Reuni como un solo pueblo nos ta pidi Bo,

Manda Bo Spirito Santo y renoba cara di mundo.\

Nos spadanan y ehercitonan no por cu e enemigo.

Abo Tata stima tin tur Poder pa manda peliger bay.

Ta den Nomber di Hesus nos ta roga Bo,

sali na defensa di bo Pueblo menasa, Dios di Poder.

Entrega nos e piedra cu nos mester pa destrui Goliath.

Kita for di nos miedo pa sigui bay dilanti

y e sentido cu nos no por sobrevivi e atake.

Abo, Dios di tur poder, ta nos forsa y nos yudansa.

Abo so tin solucion pa tur problema cu bo ta permiti.

Nos ta baha cabes pa pidi pordon pa nos soberbia,

di no kier realisa nos limitacionnan humano.

Nos ta pidi Bo pordon pa lubida cu ta Abo ta Dios

y cu Hesus ta nos unico Salbador na tur momento.

Nos ta pidi Bo den Nomber di Hesus,

manda bo ehercitonan di cielo bin asisti nos.

Den Nomber di Hesus, Tata,

Laga Bo Spirito Santo move den mundo

y salba nos for di enemigo Covid-19.

Den Nomber di Hesus nos ta yama danki

y nos ta adora Bo como nos Dios todopoderoso!

 

- Advertisement -

DUNA COMENTARIO

Please enter your comment!
Please enter your name here