Home General Coronavirus ta menazando cosecha di coffie na Brasil

Coronavirus ta menazando cosecha di coffie na Brasil

30
0
SHARE
- Advertisement -

ORANJESTAD (AAN): E cosecha di coffie na Brasil cu ta bay start na luna di Mei, ta core riesgo di produci menos cu normal, debi na e crisis pa cu Coronavirus.  Debi na esey, coffie lo por bira mas caro.

Como 1/3 parti di tur bonchi coffie Arabica, y tur bonchi coffie Robusta ta core peligro, debi cu e agricultornan na Brasil debi na e pandemia lo no haya suficiente trahador pa bin yuda cu e cosecha.

E asina yama trahadornan di temporada na Brasil, debi na e controlnan pisa na fronteranan di estado y di municipio, lo no por yega na e plantacion di coffie.  Ademas di esaki, e agricultornan di e pais cu ta produci mas coffie na mundo, no tin lugar adecuado pa e trahadornan aki keda biba den dje durante e pandemia.  Hopi biaha e trahadornan aki ta bin biba hunto cu 4 den un hut cerca di e plantacion, pero cu awor debi na e peligro di contagia cu virus, no ta responsable mas.

Segun analistanan, e scarcedad di trahador di temporada aki ta un riesgo grandi.  Bonchinan di coffie por putri hopi rapido, y debi na esey nan calidad ta deteriora.  Ya caba un retrazo den cosecha por causa un aumento drastico den prijs mundial, y por bira carisimo.

E prijs pa bonchi Arabica, cu ta hopi popular na e.o. Starbucks di Merca, a subi cu 10% caba ultimo simannan aki.  Brasil ta produci anualmente 45 miyon saco (di 60 kilo) di e bonchi aromatico Arabica, y 15 miyon saco di e potente bonchi Robusta.  Como 2/3 parti di e cosecha ta destina pa exportacion.

- Advertisement -

DUNA COMENTARIO

Please enter your comment!
Please enter your name here