Home General Coronavirus a alerta mundo pa peligernan lubida!

Coronavirus a alerta mundo pa peligernan lubida!

301
0
SHARE
- Advertisement -

Prevencion y isolacion necesario pa aumento trafico di hende

*Mester evita teorianan ficticio pa por atende cu malesa

*Ebola, cholera, influenza, AIDS entre enfermedad scondi

ORANJESTAD(AAN)–E avance di mundo medico a produci e peliger, cu hende ta lubida cu cualkier momento un malesa desconoci por presenta su mes y cu hende mester haya tempo pa desaroya vacuna y remedi.

Informacionnan cu DIARIO ta ricibi for di sector medico ta mustra claramente cu e problema mas grandi den caso di e coronavirus nobo ta keda e tardansa pa a actua for di prome momento acopla na e forma cu hende a cuminsa ta neglisha problema di malesa cu e pensamento cu tin remedi.

Mientras medionan social y cierto gruponan kier plama teorianan ficticio cu ta stroba hende di actua dor di panico y miedo, realidad ta cu awe mas cu nunca hende mester ta consciente di peligernan grandi di salud cu no ta haya atencion a menos cu nan logra conkista un tereno grandi.

E peliger cu un enfermedad por plama a aumenta a medida cu hende ta biaha mas y cu turismo a bira un ramo industrial importante cu no conoce frontera.

Prevencion y medidanan dirigi ta loke e Organisacion Mundial di Salud tambe ta presenta como e solucion grandi pa cantidad di malesa, cu den tempo moderno ta keda peligroso pa hende.

Ebola ta uno di e peligernan cu a presenta su mes na Africa, cu entre 1976 y 2013 a conoce 24 situacion explosivo na Congo y na Sudan.

E enfermedad aki ta sumamente peligroso pasobra e ta causa sangramento interno y externo cerca pashentnan cu den 66 porciento di casonan ta muri.

Te awe ta sigui cu control rigoroso y pasonan contra e enfermedad cu mundo a isola tambe den atencion debi na e hecho cu mayoria di caso no tabata na paisnan conoci.

Cholera ta un malesa lubida pero tur aña ta registra un total di 1.3 pa 4 Miyon caso di e enfermedad cu ta wordo causa pa awa of cuminda contamina den situacionnan cu no ta tene cuenta cu higiena.

Pa influenza, e organisacion mundial di Salud a emiti un strategia pa 2019 – 2030. DIARIO ta publica un grafico cu ta mustra e impacto cu te awe e enfermedad tin na mundo, caminda hopi no ta tene na consideracion cu meningitis cu ta infecta cerebro, ta causa morto.

Coronavirus a bati un alarma pisa pa hende no tuma salud como garantia. Mester ta prepara pa por confronta malesa pa cual den transcurso di tempo a haya remedi.

Un malesa hopi lubida na paisnan civilisa cu ta vacuna muchanan ta e horibel polio cu ta haci parti di curpa paralitico.

Tin mas enfermedad cu hende ta lubida manera e forma cu ainda AIDS ta plama na paisnan cu no tin e control debido.

Covid-19 a pone hende na careda, pero awor mester actua segun reglanan di e organisacion internacional pa salud y mester anuncia mundo ora un caso peligroso presenta inmediatamente.

Covid-19 a mustra cu cada persona cu subi barco of avion pa bay otro pais of ta move na su cas, ta portador di morto posiblemente cu malesa dificil pa contesta.

- Advertisement -

DUNA COMENTARIO

Please enter your comment!
Please enter your name here