Contract cu Mike Eman y Mike de Meza a firma cu Citgo no tabata un ‘win situation’ pa Aruba ‘at all’

    1150
    0
    SHARE
    - Advertisement -

    Richard Eman:

    *Citgo por a haci loke nan kier sin cu Aruba por a pone nan responsabel

    ORANJESTAD  (AAN):   Diamars mainta, Refineria di Aruba (RdA) a duna un splicacion amplio relaciona cu e terminacion di e contract cu Citgo.

    Richard Eman, presidente di e Hunta di Supervision di RdA a papia amplio y a indica cu na momento cu ex prome minister Mike Eman y ex minister Mike de Meza a firma hunto cu Nelson Martinez e contract pa cu Citgo, nan a bay di acuerdo cu hopi condicion.

    Eman a bisa cu ta trata di condicionnan cu “normalmente den un acuerdo ta expect cu tur dos partido ta gana. Esey ta un win-win situation. E parti ‘win’ di Citgo mi ta compronde, pero e win situation pa Aruba of RdA, no tey, no ta e caso at all”.

    A agrega cu e condicionnan den e acuerdo aki tabata asina malo cu basicamente Citgo por a haci loke nan kier y lagu’e haci loke nan kier y Aruba no por a bay pone nan responsabel pa esey, a remarca.

    BAYENDO BEK

    Ora di bay bek te na April 2019, ora cu Citco a bisa cu no por cumpli mas, y cu a sinta hunto, a cuminsa papia riba con ta bay maneha e situacion ya cu Aruba no por afford di bay laga e refineria para sin haci nada y nan ta ‘gate away cu ne”.

    Den e prome reunion aki Citgo a bisa cu nan kier a bay na prome instancia, suspende e contract. Pone e contract ‘on hold’. Aruba a bisa cu si tabata pone e contract ‘on hold’ e refineria ta bay atras, tanki ta bay atras y no lo tin entrada locual no por.

    Citgo a cambia e ora e decision pa suspende e contract temporalmente y duna Aruba e propiedadnan bek pa por desaroya nan, drecha nan, huur nan, etc. Den e direccion ey a ba.

    Aruba a dicidi di traha un Memorandum of Understanding (MOU) na unda tur e puntonan aki ta wordo poni riba papel. A base di esey a bin un acuerdo cu yama un ‘temporary suspension and transfer agreement’, Richard Eman a indica.

    A agrega cu na e momento ey, Citgo Aruba Refinery (CAR) a dicidi di kita tur trahador. Riba esey, RdA no por a haci mucho cu ne pasobra ta un relacion di dunador di trabao-trahador. Si Citgo kier a kita tur hende, esey RdA no por a impedi.

    Locual RdA a haci ta pidi Citgo pa traha e trahadornan bon, duna nan e condicionnan, e beneficionan legal cu nan merece. Na prome instancia kier a duna nan cesantia so. E trahadornan a protesta y RdA a pone presion riba Citgo pa na final e trahadornan haya loke nan merece. Mescos a pasa cu e contratistanan y suppliers, Eman a señala.

    Na October 2019 a firma e MOU y a cuminsa negocia un ‘temporary suspension agreement’. Cada biaha cu tabata reuni cu Citgo condicionnan nobo a bin acerca.

    Un di e condicionnan cu tabata inaceptabel pa RdA ta cu si firma cualkier contract cu un contratista of un operador, tur contract ta termina. Asina discusionnan a bin y a bay. Na final di aña 2019 RdA a dicidi cu e situacion no por a sigui asina y pa bay pa un terminacion y no keda purba di haci un suspension temporal pa despues sali afo atrobe. Tabata birando algo riba cual no tabata tin claridad mas, Richard Eman a subraya.

    Asina a dicidi di bay pa un terminacion di e contract. Citgo a dicidi cu 1 di Januari 2020 nan ta manda tur trahador cas. Nan ta pone e yabi den e postbus y nan ta bay. RdA a bisa cu esey Citgo no por haci. E discusion riba esey a inicia, a splica.

    - Advertisement -

    DUNA COMENTARIO

    Please enter your comment!
    Please enter your name here