Home General Colombia a rechaza machine analyzer cu Nicolas Maduro a regala nan pa...

Colombia a rechaza machine analyzer cu Nicolas Maduro a regala nan pa diagnostica Covid-19

280
0
SHARE
- Advertisement -

ORANJESTAD (AAN): Gobierno di Colombia a rechaza e donacion di dos Analyzer Machine di e compania Roche, esta Cabas Z 480, cu ta yuda diagnostica testnan pa cu Covid-19, y cu a wordo ofreci pa President Nicolas Maduro di Venezuela.

Esey ta loke e Vice-President ehecutivo Delcy Rodriguez a revela.

El a bisa cu esaki ta un muestra di desprecio di Ivan Duque, president di Colombia, pa cu e bida y salud di pueblo Colombiano y e repercusion sanitario den region.

Diamars siman pasa, a bin haya sa cu na Colombia tabatin un solo machine Analyzer pa haci test pa henter e pais, y el a daña.  Ta trata di e machine di Instituto Nacional de Salud di Colombia.

Como cu Venezuela mes ta bay ta hayando machine nobo, nan a dicidi na haci donacion di 2 existente pa Colombia.

Tabata Diasabra cu Venezuela a laga sa cu e dos Machinenan aki di Analyzer ta cla pa wordo entrega mesora na Colombia, cu e permisonan respectivo y e intermediacion di Organizacion Panamericano di Salud (PAHO).

Venezuela a contesta cu nan ta insisti pa Colombia acepta e machinenan aki.

Despues cu esaki a bira publico, e ex-Presidente di Ecuador, esta Rafael Correa a core pidi Gobierno di Nicolas Maduro, pa manda e donacion aki e ora pa Ecuador, pasobra nan ta un di esnan mas afecta pa e brote di Covid-19.

- Advertisement -

DUNA COMENTARIO

Please enter your comment!
Please enter your name here