Citgo ta bandona Aruba den tripel crisis

    1151
    0
    SHARE
    - Advertisement -

    Wever-Croes a scapa Aruba di final fatal cu DIARIO a pronostica 

    * Maduro fugitivo Mericano y Citgo ta hoga den debe

    *Rosneft a entrega borg Citgo na Gobierno di Rusia

    ORANJESTAD (AAN) — Na Augustus 2018, DIARIO a cuminsa presenta resultadonan di investigacionnan cu el a haci a base di e acuerdo cu gobierno anterior a firma cu Citgo y cu a hinca Aruba den un desastre economico.

    For di e momento DIARIO a adverti cu Aruba a wordo hinca den un peliger grandi y cu hamas Citgo lo tabata capaz pa honra su contracto cu Aruba.

    DIARIO no a basa su mes riba e medidanan di Merca solamente, pero tambe riba e situacion financiero serio di Citgo cu no tabata tin placa mescos cu tabata e caso di regimen Nicolas Maduro, cu a saca tur placa cu e por a saca di Citgo, cu tabata su baca di lechi.

    DIARIO na Augustus 2018 a mustra cuanto compania tabata un espera di e momento cu nan por a confisca Citgo pa haya nan placa y ainda nan tur ta den e fila, cu a topa cu e crisis di e coronavirus nobo cu a crea un desastre financiero mundial.

    Den e situacion mundial actual, e companianan tur ta prepara pa cualkier momento confisca e compania pa nan trata di haya nan placa mientras ta na duda kende lo keda cu Citgo.

    Informantenan cu a asisti DIARIO den e investigacionnan cu el a realisa den asunto di Citgo, ta indica cu Gobierno Wever-Croes a scapa Citgo di un final fatal.

    Na e momentonan aki un situacion sumamente serio a presenta pasobra Juan Guaidó ainda tin Citgo pasobra Presidente Donald Trump a evita cu e companianan Mericano y di Inglatera cu tin Citgo como borg lo a exigi bende Citgo pa nan haya nan placa.

    Den e situacion mundial nobo, cualkier momento nan por haci esaki mas ainda si e tempo cu Trump a pidi a pasa y e situacion mundial no ta permiti Trump haci nada mas.

    Pio ainda, tin un crisis petrolero mundial cu tin Venezuela completamente den su gara.

    Manera semper DIARIO a mustra, Citgo tabata un neishi di investigacion di parti di Merca y varios ehecutivo di Citgo a wordo persigui pa delito serio door di Husticia Mericano y dilanti Hues nan casonan a keda comproba.

    Na momento cu Aruba a firma un acuerdo cu Citgo, ya tur problema cu ta rementa awe tabata existi. Mundo a spierta gobierno anterior cu e ta firma un acuerdo peligroso.

    DIARIO na augustus 2018, pues prome por a pensa cu COVID-19 lo a hinca mundo den e desastre actual, a adverti cu Aruba por haya su mes cu Citgo den un confrontacion mundial.

    Esaki ta loke ta pasa awor pa Citgo a wordo uza dor di regimen Nicolas Maduro segun Husticia Mericano pa labamento di placa. Tin acusacion cu e tempo placa a wordo manda Aruba.

    Actualmente tin otro problema serio pasobra e compania di estado Rosneft tabata tin casi mita di Citgo como borg. E siman aki el a pasa e borg aki directamente pa gobierno di Rusia.

    DIARIO tabata pendiente riba e parti aki ora e informacion a drenta cu gobierno a logra deshaci di e contracto cu Citgo, cu den e situacion mundial di petroleo ta den mas problema mientras gobierno di Venezuela, doño di Venezuela a keda un monster di dos cabes.

    - Advertisement -

    DUNA COMENTARIO

    Please enter your comment!
    Please enter your name here