Home Salud Capitan a bira malo y Velero a obliga di regresa Aruba

Capitan a bira malo y Velero a obliga di regresa Aruba

1702
0
SHARE
— Velero a dicidi na regresa Aruba.
- Advertisement -

ORANJESTAD (AAN): Siman pasa un velero a sali for di waf di Barcadera pa subi lama grandi direccion pa e isla di Martinique.

Pero durante e comienzo di e viahe, diripiente e Capitan a bira malo di salud, y pa motibonan di salud, el a tuma decision pa regresa Aruba.  El a notifica Rescue and Coordination Center di Guardacosta di Caribe Hulandes di loke ta pasando.

Un Helicopter di Guardacosta di Caribe Hulandes a lanta vuelo y a bay pa e area panort di Aruba pa asina haya contacto cune.  E Capitan a revela cu e ta desea pa regresa Aruba pa asistencia medico.

Despues cu autoridadnan di DVG na Aruba a duna OK pa e regresa e isla, e velero a cuminza bira bek direccion Aruba.

Sinembargo na caminda e motor di e velero a haya problema, y aki e Capitan a pidi yudanza di Guardacosta.  Despues di e peticion aki, RCC a manda un speedboat tipo Metal Shark di Guardacosta na e lugar di e velero, pa asina por lastre bin aden.

Pero na final toch no tabatin mester a lastra e velero, pasobra e Capitan mes a logra pa e motor a start bek.  Toch pa seguridad, e Metal Shark a keda acompaña e velero pa waf di Barcadera.  Aki na yegada, e Capitan y e tripulacion a wordo controla debidamente door di autoridad, pa asina na final e Capitan por a haya yudanza medico.

- Advertisement -

DUNA COMENTARIO

Please enter your comment!
Please enter your name here