Home Deporte Calendario escolar y evento deportivo di IBiSA 2020

Calendario escolar y evento deportivo di IBiSA 2020

241
0
SHARE
- Advertisement -

ORANJESTAD (AAN): IBiSA durante añanan ta organisa deporte escolar unda mayoria scol preparatorio, scol basico y scol secundario ta participa den deporte individual y deporte di ekipo. Durante aña escolar 2018-2019 IBiSA a organisa e evento escolar mas grandi di Aruba cu ta e Olimpiada Escolar. Durante 2019-2020 IBiSA y su partnernan den deporte tabata activo organisando e competencia clasificatorio pa Olimpiada Escolar 2020. Lamentablemente e Olimpiada Escolar 2020 no ta sigui pa motibo di e situacion actual y p’esey ta cancela e evento aki.

IBiSA ta enfocando riba nos plan vacacional deportivo pa mira si esaki por ta un realidad pa aña aki ainda cuminsando den e di dos siman di juli. IBiSA lo bin cu mas informacion tocante fecha y localidadnan.

IBiSA ta bay sigui cu combersacion  cu su cliente y partnernan pa busca hunto e mihor forma y na manera responsabel pa sigui cu actividadnan programa riba e calendario di evento 2020.

IBiSA su seccion di deporte escolar y recreacion a pospone un of mas careda cu ta wordo organisa directamente pa IBiSA. Na e momentonan aki ta coordinando cu Gobierno y DVG pa bin cu fecha pa cuminsa back cu e actividadnan pendiente manera e caredanan di Aruba Int’l Half Marathon, Turibana Loop y Aquathlon Escolar.

- Advertisement -

DUNA COMENTARIO

Please enter your comment!
Please enter your name here