Home Policial Bringamento pisa den cas a pone muchanan core bay bati alarma

Bringamento pisa den cas a pone muchanan core bay bati alarma

747
0
SHARE
- Advertisement -

ORANJESTAD (AAN): Un famia bibando na Kudawecha a spanta ora cu diripiente 1 hoben y 2 mucha a presenta na nan cas, ta pidi auxilio.

Esaki a socede Diasabra anochi y e famia mesora a nota cu e hoben y e dos muchanan tambe ta spanta.  Nan a core pidi yudanza, pasobra nan tata y mama ta bringando na forma mahos den bisiña su cas.  Esaki a pone e personanan mesora yama Central di Polis pa bati alarma pa loke ta pasando.

Ora cu autoridad a haya notificacion, mesora Centrale Meld Kamer a pidi unidadnan den area ey di Noord pa acudi na e adres.  No menos cu 3 patruya di Polis a mobiliza pa e cas.

Na yegada a bin topa cu berdad un pelea andando entre un pareha y cos a sali for di man.  Polis a stop nan mesora di sigui bringa, y a nota cu tur dos persona ta bao influencia pisa di alcohol.

Tabatin problema si cu e homber, como cu e no kier a sigui instruccion di Polis.  A keda autoridad nada otro pa detene, y a bay cune di eynan pa asina trankilidad regresa.

Mirando cu e muher tambe ta burachi, a dicidi na busca yudanza di Slachtofferhulp pa asina na un forma corecto atende cu e hoben y e dos muchanan relaciona cu loke a pasa.

 

- Advertisement -

DUNA COMENTARIO

Please enter your comment!
Please enter your name here